Frjáls verslun - 01.04.2014, Qupperneq 77

FRJÁLS VERSLUN 4. 2014 77
áætlun um afnám
gjaldeyrishafta mikilvæg
Margrét Guðmundsdóttir, forstjóri Icepharma:
Þ
egar Margrét Guðmundsdóttir
er spurð hvaða árangur hún sé
ánægðust með hjá Icepharma
það sem af er árinu segir hún
að ekkert eitt standi upp úr. „Árið fór
rólega af stað en er að taka við sér núna á
vormánuðum.“
Hún segir að sér finnist atvinnulífið ekki
vera komið upp úr hjólförunum. „Gjald -
eyrishöftin og óvissan um gjald miðilinn
eru slæm fyrir íslenskt atvinnu líf.“
Hvað varðar atvinnulífið segir hún að
sparnaður í heilbrigðiskerfinu virðist hafa
náð botninum í fyrra. „Enn er langt í land
að ná þangað sem okkur finnst eðlilegt að
íslenskt heilbrigðiskerfi bjóði upp á, bæði
hvað varðar lyfjameðferðir, tækjakost og
aðstöðu.“
Hvert finnst Margréti vera brýnasta
verk efni ríkisstjórnarinnar? „Að leggja
fram áætlun um afnám gjaldeyrishafta.
Einnig finnst mér mikilvægt að hún hlusti
á kall þjóðarinnar um að fá að kjósa um
framhald aðildarviðræðna við ESB.“
Margrét segist telja að það sé tiltölulega
auðvelt að stofna fyrirtæki á Íslandi.
„Spurningin er hins vegar hversu auðvelt
er að reka fyrirtæki og gildir það jafnt um
ný og gömul fyrirtæki? Ég held að víða sé
það erfitt.“
Þegar hún er spurð hver séu þrenn
algengustu mistök stjórnenda í starfi segir
hún að í fyrsta lagi sé það að hlífa sér við
að taka erfiðar ákvarðanir, í öðru lagi
hræðsla við breytingar og í þriðja lagi að
nýta ekki hæfileika starfsfólks til fulls.
Hvert er besta veganestið sem Margrét
hefur fengið í stjórnun? „Að vera
heiðarleg, upplýsa starfsfólk og treysta því
til að taka réttar ákvarðanir. Auk þess og
ekki síst að taka á vandamálum, hversu
óþægileg sem þau kunna að vera.“
margrét er í stjórn eignarhaldsfélagsins
lyngs ehf. og stjórn esta (european
surgical trade association) auk þess að
vera stjórnarformaður n1.
2014
áhrifamestu
konurnar
100
Margrét Guðmundsdóttir, forstjóri icepharma.
Sóley Tómasdóttir,
forseti borgarstjórnar og oddviti
VG í Reykjavík.