Frjáls verslun - 01.04.2014, Page 97

FRJÁLS VERSLUN 4. 2014 97
Hanna Birna segist afar stolt
af því sem áunnist hefur á fyrsta
starfsári ríkisstjórnarinnar.
„Það er ekki einungis ríkis -
stjórn inni að þakka heldur
er það fyrst og fremst því að
þakka að almenningur vildi
breyt ingar og var reiðubúinn
að taka þau skref fyrr en við
stjórnmála menn áttuðum
okkur á. Þess vegna finnst mér
að okkur hafi tekist að gera
meira en ég hefði talið að væri
hægt á einu ári. Og við erum
farin að sjá ýmsar breytingar
á hagtölum og öðrum þáttum
sem skipta máli þegar menn
eru að greina lífsgæði og stöðu
í samfélaginu. Ég veit ekki
hvort almenningur er enn
farinn að finna fyrir því við
eldhúsborðið heima um hver
mánaðamót en vonandi fer
það þá að gerast. Hér í þessu
ráðuneyti er ég afar stolt yfir
þeim mörgu framfaramálum
sem við höfum klárað. Að
fækka stofnunum verulega með
því að fækka sýslumönnum og
lögreglustjórum í góðri sátt við
sveitarstjórnarmenn um allt
land var sérstakt ánægjuefni
og gefur okkur ný tækifæri.
Allir á Alþingi réttu upp hönd
þegar þetta tuttugu ára gamla
deilumál var afgreitt núna síð -
asta vor. Það hafa verið stigin
mörg og mikilvæg skref og
stærri en ég hélt að væri hægt
að stíga á einu ári.“
Breytingar í mál efn-
um innflytjenda
Innan innanríkisráðuneytisins
eru margir stórir og mikilvægir
málaflokkar en segja má að þó
hafi einn málaflokkur á ýmsan
hátt yfirskyggt alla aðra, það er
að segja málefni hælisleitenda.
„Já, þetta eru fyrirferðarmikil
og oft afar erfið mál,“ segir
hún. „En innanríkisráðuneytið
heldur utan um marga aðra
stóra málaflokka; öll sveitar -
stjórnarmál, dómsmál, sam-
göngumál, löggæslumál,
mann réttindamál, kirkjumál og
þann ig má lengi telja. Verkefni
hér eru gífurlega víðfeðm en
ekkert alltaf í fjölmiðlunum
vegna þess að þetta eru mál
sem snúast um innviði sam -
félags ins sem eiga að vera í
lagi og tryggja það öryggi sem
almenningur á að geta treyst.
Þannig vil ég hafa það.“
Hælis- og innflytjendamálin
almennt eru nokkuð hátt stillt
á rásum landsmanna þessa
dagana, segir hún. „Og það er
eðlilegt því að á þeim hefur
orðið umtalsverð breyting.
Fyrir fáeinum árum vorum við
kannski með á milli fimmtán
og tuttugu umsóknir á hverju
ári, nú eru þær orðnar um
tvö hundruð. Þetta var mikil
breyting fyrir íslenskt samfélag
og fyrir kerfið að taka við því.
Þetta eru flókin, persónuleg
og erfið mál, og þess vegna
er mjög eðlilegt að um þau sé
umræða. Við erum að ráðast
í miklar breytingar í þessum
málaflokki og við gerum það
með mikilli þverpólitískri vinnu
vegna þess að ég er þeirrar
skoðunar að þessi mál kalli á að
tryggt sé að um þau náist sem
víðtækust sátt til framtíðar. Ég
er sannfærð um að það skiptir
miklu máli. Við viljum taka vel
á móti fólki, búa vel að því fólki
sem vill setjast hér að og vinna
í íslensku samfélagi. Við viljum
vanda okkur, viljum gera það í
samræmi við mannréttindi og
alþjóðleg lög. Þannig á það að
vera.
Mér finnst vera góð samstaða
á Íslandi um að vinna þetta
á þeim grunni. Það sem er
erfitt við þessi mál er þegar
umræðan snýst um einstaka
mál. Fjölmiðlar hafa oft
mik inn áhuga á málum eins
einstaklings þegar ég er þeirrar
skoðunar að það verði að gilda
almennar reglur um alla. Það
eru ekki mannréttindi að taka
bara á mannréttindum eins en
ekki heildarinnar. Þess vegna
koma þessi einstaklingsmál
ekki inn á borð ráðherra nema
til heildstæðrar ákvörðunar.
Hanna Birna Kristjánsdóttir innanríkisráðherra.