Frjáls verslun - 01.04.2014, Síða 113

FRJÁLS VERSLUN 4. 2014 113
máli í framsögn og framkomu.
Þessar reglur og atriði getur þú
lært og fengið þjálfun í – hvort
sem er á námskeiði eða með
einka þjálfun.
Mjög margir kvíða því að
halda ræður og kynningar. Það
er algjör óþarfi. Þú getur með
stuðningi náð góðum tökum á
framsögn og framkomu, lært að
halda góðri athygli áheyrenda
og koma þínum málflutningi vel
frá þér, á skýran, hnitmiðaðan
og eftirtektarverðan hátt.
Í samskiptum skiptir líka miklu
máli að koma sínum skoðun ­
um á framfæri en það er ekki
síður mikilvægt að hlusta vel á
og skilja málflutning annarra,
þannig eru mestar líkur á að ná
niðurstöðu sem gerir alla sátta.
Eigir þú í samskiptum við er ­
l enda aðila, hvort sem er í tölvu ­
pósti, síma eða eigin persónu,
gæti líka verið gott fyrir þig að
taka tungumálanámskeið eða
lesa þér til um menningu og
sam skiptastíl ólíkra þjóða.
Mættu fyrr til vinnu og
forgangsraðaðu
Það er auðvelt að festast í
hring iðu dagsins og vera stöð ­
ugt að bregðast við því sem er
að gerast í umhverfi þínu. Með
þessu móti er ekki líklegt að þú
sért að þróa þig mikið áfram
eða finna nýjar og skapandi
lausnir.
Ef þú mætir fyrr til vinnu er
líklegra að þú náir góðum
gæða tíma áður en áreiti dags ­
ins nær hámarki. Taktu góða
stund í upphafi dags þar sem
þú opnar ekki tölvupóstinn þinn
og svarar ekki síma (áfram­
send ir hringingar á einhvern
sem getur tekið fyrir þig skila ­
boð).
Farðu yfir hvaða eitt til þrjú
atriði þú ætlar þér að komast
yfir þennan daginn. Æskilegt er
að hluti þessara verkefna skil­
greinist sem mikilvægur, en án
tímamarka. Verkefni sem munu
skapa þér mestan ávinning til
lengri tíma litið, ekki dæmigerð
„slökkva­elda“­verkefni.
Vertu með þig vel á hreinu.
Hver eru forgangsatriði þín,
fyrir hvað vilt þú standa, hvað
viltu skilja eftir þig, hvað viltu
að samstarfsfólk þitt segi um
þig og svo framvegis. Sýndu
leiðtogahegðun.
Verðu meiri tíma með
starfsfólkinu þínu
Veistu hvað þú getur lært mikið
af starfsfólkinu þínu? Það býr
allt yfir mikilli þekkingu, reynslu
og hæfileikum. Það getur
örugglega kennt þér heilmikið.
Þér mun líka ganga betur að
útdeila verkefnum ef þú þekkir
fólkið þitt betur, styrkleika þess,
hæfni og hvaða álag er á því á
hverjum tíma.
Þú ert mjög líklega eins og
margir aðrir stjórnendur; getur
orðið betri í að útdeila verkefn­
um, og hér er því komin góð
leið til að verða betri í því. Auk
þess sem starfsfólk kvartar
gjarn an yfir litlu aðgengi að yfir -
mönnum sínum eða miður góðu
sambandi við þá.
Þetta er því tvöfaldur ávinn ­
ingur; bætt samband við undir ­
menn þína og auknar líkur á að
hver og einn hafi verkefni við
hæfi, þar með talið þú.
Nýttu þekkingu þína,
styrkleika og hæfni
Þó að öll þróun sé mjög hröð er
ekki endilega víst að þú þurfir
alltaf að vera að sækja þér nýja
þekkingu. Hversu vel nýtirðu
alla þá þekkingu sem þú hefur
þegar sótt þér?
Er hugsanlegt að þú þurfir
frekar stuðning í einhverju formi
til að nýta þá þekkingu betur
sem og styrkleika þína og
hæfni? Leyfirðu þér að nýta allt
það sem þú hefur eða heldurðu
á einhvern hátt aftur af þér?
Fáðu þér markþjálfa eða
vinnu félaga sem þú treystir til
að halda þér stöðugt á tánum
þannig að þú verðir betri í dag
en í gær.
Styrktu sjálfstraust þitt
og hafðu meira gaman
Það þarf sjálfstraust til að
viðurkenna að þú hafir gert mis­
tök, til að þora að hafa undir­
menn sem hafa einhverja hæfni
sem þú hefur ekki, til að leyfa
fólkinu sínu að blómstra. Vertu
viss um að þú hafir þetta sjálfs-
traust. Starfsfólkið þitt verður
ánægðara, þér mun líða betur
og þú verður betri stjórnandi.
Það verður allt svo miklu létt­
ara og skemmtilegra og gleði
er mjög vanmetin orka inni á
vinnustöðum. Starfsfólk leggur
sig meira fram þegar andinn er
góður á vinnustaðnum þannig
að þú skalt nýta hvert tækifæri
til að skapa góðan og hvetjandi
starfsanda.
Þ
egar starfsfólkið þitt
leggur sig fram og
stendur sig vel upp lifir
þú líka vonandi gleði
yfir því og manst þá einnig
vonandi eftir að hrósa þeim
og veita þeim gagnlega
endurgjöf. Umbunaðu (með
hrósi, þakkarpósti eða lítilli og
helst persónulegri gjöf) fyrir
góða þátttöku, jákvæð viðhorf
og árangur. Það munu alltaf
verða gerð einhver mistök en
með því að einblína meira á
það jákvæða og það sem vel
gengur muntu örugglega fá
meira af því. Með þessu mun
þér, þinni einingu og fyrirtækinu
öllu ganga betur.
Ef þú mætir fyrr til
vinnu er líklegra að þú
náir góðum gæðatíma
áður en áreiti dagsins
nær hámarki. Taktu
góða stund í upphafi
dags þar sem þú opnar
ekki tölvupóstinn þinn
og svarar ekki síma.
Það þarf sjálfstraust
til að viðurkenna að
þú hafir gert mistök,
til að þora að hafa
undirmenn sem hafa
einhverja hæfni sem
þú hefur ekki, til að
leyfa fólkinu sínu að
blómstra. Vertu viss
um að þú hafir þetta
sjálfstraust.