Frjáls verslun - 01.04.2014, Qupperneq 120

120 FRJÁLS VERSLUN 4. 2014
Er hörð samkeppni þar sem
Skema hefur haslað sér völl?
„Á Íslandi er samkeppnin
lítil og að mínu mati er ekkert
fyrirtæki með jafnmikla reynslu
í kennslu barna í forritun
og ráðgjöf við innleiðingu á
forritun og tækni í skólastarf og
Skema. Það að hafa verið fyrst
á markaðinn veitir okkur sam­
keppnisforskot auk þess sem
aðferðafræði okkar er þverfag­
leg og byggist á rannsóknum í
tækni, menntun og sálfræði.
Samkeppnin í Bandaríkjun ­
um er hins vegar mikil, ekki
síst í Washingtonríki, þar
sem við erum að byggja upp
höfuð stöðvarnar, en það er
einna helst vegna þess hversu
mörg tæknifyrirtæki hafa þar
höfuðstöðvar, s.s. Microsoft,
Boeing og Amazon, og sam­
félagið því almennt tæknivætt
og fólk meðvitað um kosti þess
að börn læri forritun snemma
á lífsleiðinni. Af þeirri ástæðu
er mikilvægt að geta aðgreint
sig með skýrum hætti og að
hafa einhverja sérstöðu, en við
teljum okkur vera á góðum stað
hvað það varðar.“
Má reikna með að einhver
starfsemi verði á Íslandi í
framtíðinni?
„Rekstur Skema mun halda
áfram hér á landi enda hefur
fyrirtækið vaxið mikið síðustu
tvö ár og sjáum við fram á
áframhaldandi vöxt næstu mis­
serin. Okkar stærstu tækifæri í
dag liggja í ráðgjöf við skóla og
sveitarfélög vegna innleiðingar
á forritunarkennslu og notkun­
ar tækni í skólastarfi sem og
samstarfi okkar við sjóðinn
Forritara framtíðarinnar sem við
tókum þátt í að stofna í fyrra.
Við sjáum fram á blómaskeið
Skema næstu mánuði og ár
og ætlum okkur stóra hluti
á íslensk um og evrópskum
markaði.“
Standa aðstæður á Íslandi, og
þá sérstaklega fjármagnshöftin,
rekstri svona fyrirtækis fyrir
þrifum?
„Gjaldeyrishöftin setja
ákveðið strik í reikninginn og
valda því að erfitt, dýrt og tíma­
frekt getur reynst fyrirtækjum
að leita að fjármagni að utan.
Til að mynda tók það okkur um
átta mánuði og nokkur hundruð
þúsund krónur í lögfræðikostn­
að að fá undanþágu frá
Seðla bankanum fyrir stofnun
og flutningi höfuðstöðvanna til
Banda ríkjanna og sölu Skema
til reKode.
Við erum svo að reyna að
fjármagna fyrstu skref reKode/
Skema í Bandaríkjunum með
sölutekjum á Íslandi þar til
áhættufjármagn fæst, en það
hefur reynst þrautin þyngri
vegna haftanna. Til að mynda
óskuðum við eftir undanþágu
frá gjaldeyrishöftum til að
kaupa gjaldeyri til að lána
erlenda félaginu og þá bað
Seðla bankinn um staðfestingu
löggilts endurskoðanda á því
að við ættum ekki til þennan
erlenda gjaldeyri. Samkvæmt
lögum ber okkur að skila öllum
erlendum gjaldeyri heim auk
þess sem allar tekjur Skema
eru í íslenskum krónum svo
þessi spurning svaraði sér
eiginlega sjálf. Við höfum því
velt því fyrir okkur hvort þessar
endalausu bréfaskriftir við
Seðlabankann séu til þess
gerðar að afla lögfræðingum
og endurskoðendum vinnu.
Það sem þetta hefur í för með
sér er að fjöldi fyrirtækja er að
fara úr landi. Þó að við viljum
eflaust öll byggja upp höfuð -
stöðvar á Íslandi verðum við
að horfast í augu við það að
við erum að reyna að byggja
upp sjálfbær vaxtarfyrirtæki
og það er ekki auðséð að
það sé hægt á Íslandi nema á
þröngum syllum og með mjög
skilningsríka fjárfesta á bak við
sig. Fyrirtækjarekstur byggist á
viðskiptum, ekki föðurlandsást,
og því verðum við sem rekum
fyrirtækin að gera það sem í
okkar valdi stendur til að skila
af okkur góðum rekstri, þó að
það þýði að við þurfum að fara
með höfuðstöðvarnar úr landi.“
Þú hefur áður unnið að því að
koma sprotum á legg – hvernig
er sprotaumhverfið almennt á
Íslandi?
„Ég kom inn í sprotaumhverf­
ið árið 2008 þegar sprotarnir
voru að vakna til lífsins á ný.
Mitt fyrsta verkefni þar var að
halda frítt sumarnámskeið í
stofnun fyrirtækja árið 2009
ásamt góðvini mínum, honum
Hauki Guðjónssyni hjá Búnga­
ló. Við höfðum þá í nokkrar
vikur rætt hvað væri hægt að
gera til að vinna okkur hraðar
út úr efnahagskreppunni og
var niðurstaðan sú að í stað
þess að bíða eftir að stjórnvöld
kæmu með töfralausnir þyrftum
við að gera eitthvað sjálf.
Við fengum um tvö hundruð
manns á námskeiðið og útskrif­
uðum þar af um fimmtíu sprota
og eru margir hverjir ennþá
starfandi í dag. Á þeim tíma
var stuðningsumhverfi sprota
í vexti og mikið af styrkjum og
stuðningsverkefnum sem spratt
upp hér og þar sem hægt var
að sækja um. Það hélt áfram
fram til 2012 en þá var fjár­
magn margra stuðningsverk­
efna uppurið og óljóst um
framhald þeirra. Svo árið 2013
kom stór niðurskurður hjá
Tækniþróunarsjóði sem var
mikið áfall fyrir sprotaumhverfið
því þessi sjóður hefur, að mínu
mati, átt stóran þátt í því hversu
vel hefur til tekist með fyrstu
skref uppbyggingar sprota hér
á landi síðustu sjö ár eða svo.
Sem betur fer hefur aftur komið
innspýting í sjóðinn og vonandi
fær hann að halda áfram þess­
ari mikilvægu uppbyggingu.
Aðgengi að húsnæði hefur
líka verið gott, s.s. hjá frum ­
kvöðla setrum Nýsköpunarsjóðs
auk þess sem Klak­Innovit
hefur ásamt sínum samstarfs­
aðilum byggt upp mjög gott
stuðningsnet fyrir frumkvöðla
og aðstoðað marga við fyrstu
skrefin. Það sem vantar hins
Þórunn Jónsdóttir, framkvæmdastjóri Skema.
„Sprotasamfélagið hér á landi er frábært og
flestir þekkja flesta þannig að auðvelt er að leita
ráða og reynslu hjá öðrum frumkvöðlum.“
ungir frumkvöðlar