Frjáls verslun - 01.04.2014, Qupperneq 122

122 FRJÁLS VERSLUN 4. 2014
við erum með framleiðsluvöru
þarf pening til að koma fram­
leiðslunni af stað og þá fyrst er
hægt að ganga frá pöntunum
og núna erum við að vinna í því
að fjármagna framleiðsluna.“
Framleiðslan er mjög tæknileg.
Hvar eru þessir hlutir gerðir?
„Í fyrstu ætlum við að fram­
leiða hér á Íslandi. Hér á landi
er til flottur vélakostur sem nýtist
í suma íhluti, aðra pöntum við
að utan, svo verður samsetn­
ingin hér. Þá er hægt að standa
yfir fyrstu framleiðslunni.“
Þú ert rafmagnsverkfræðingur –
byggist þessi hugmynd á þeirri
þekkingu eða er þetta byggt á
almennum áhuga á tækni?
„Hugmyndin er einföld í sjálfu
sér og maður getur verið viss
um að í heimi þar sem búa yfir
sjö milljarðar manna hefur fullt af
fólki fengið nákvæmlega sömu
hugmynd. Það er hins vegar
spurning hvort einhver hafi
framkvæmt hana. Hug mynd­
in að tækinu sjálfu kviknaði
sennilega út frá áhuga á ljós ­
myndun og fikti við að búa til
þrívíddarmyndir úr ljósmyndum
sem ég tók frá tveimur sjónar­
hornum. En ætli ég hefði ráðist
í svona lausn með flóknum
myndvinnslu hugbúnaði án
þess að vera með menntun og
reynslu í hugbúnaðarþróun og
myndvinnslu.“
Er framleiðslan hugsuð til sölu
fyrir allan almenning?
„Já, fyrsta lausnin, Kúla Deep­
er, verður seld m.a. í stærstu
ljósmyndavöruverslun heims
og mun vonandi rata í sem
flestar ljósmyndavöruverslanir
og vefverslanir fyrir ljósmynda ­
vörur. Það er hins vegar ljóst að
ekki hafa allir áhuga á þrívídd.“
Er samkeppni á markaði fyrir
svona sérbúnað?
„Já og nei. Það eru til
þrívíddar myndavélar sem eru
almennt dýrari og það er eitt
keimlíkt tæki á markaði fyrir
SLR­myndavélar en optíkin í því
er lök og enginn hugbúnaður
fylgir. Það er því einhver óbein
samkeppni en við höfum tölu­
verða yfirburði þykir mér.“
Eru viðunandi aðstæður á
Íslandi til að koma svona sprota
á legg?
„Aðstæður við að koma
fyrirtæki á legg eru mjög góðar
að mörgu leyti. Á Íslandi er
prýðilegt styrkjakerfi sem gerir
það að verkum að fólk getur
sannreynt hugmyndir sínar,
þróað og markaðssett vörur,
það er komin mikilvæg þekking
á fjölmörgum sviðum eins og
t.d. framleiðslu, líftækni, jarð ­
varma, hugbúnaðarþróun og
svo mætti lengi telja.
Hin stóru fyrirmyndarfyrirtæki
landsins eru dugleg að gefa
til baka til sprotaumhverfis­
ins, það er hægt að taka þátt
í skemmtilegum ráðstefnum
um nýsköpun og almennt er
fólk að taka við sér; skilja hvað
nýsköpun er mikilvæg fyrir upp­
byggingu efnahagslífsins.
Það er samt eitt og annað
sem má laga. Í stjórnsýslunni
er t.d. tollurinn að þvælast fyrir,
bæði tímalega og fjárhagslega.
Það er t.d. ekki hægt að treysta
á að fá vörur í tæka tíð. Enn
sem komið er hefur lítið reynt á
gjaldeyrishöftin fyrir okkur.
Það sem vantar enn í viðskipta­
lífinu er að tengja saman pen­
inga og nýsköpunarfyrir tæki.
Þegar fjármögnun íslenskra
nýsköpunarfyrirtækja sem njóta
mikillar velgengni er skoðuð
kemur í ljós að þau hafa oft sótt
fjármagn út fyrir landsteinana,
sem er jákvætt einkum í ljósi
þess að því fylgir oft þekking,
sterkt tengslanet og auknir
möguleikar á að fá það fjár­
magn sem þarf til. En það er
að mörgu leyti flókið að sækja
peninga til ókunnugra landa þar
sem tengslanet er takmarkað
og ég veit dæmi um að mjög
flott íslensk nýsköpunarfyrirtæki
leggi upp laupana vegna erfið-
leika við að fjármagna sig.
Ég hef trú á að með tilkomu
fyrirhugaðra nýsköpunarsjóða
seinni hluta árs muni íslensk
nýsköpunarfyrirtæki fara að
blómstra. Lítil og meðalstór
fyrirtæki fá möguleika á að
stækka og það verður mun
vænlegra fyrir fjársterka ein ­
staklinga að draga seðlana
undan koddanum og fjárfesta í
fyrirtækjum á byrjunarstigi þar
sem stærri aðilar eru fyrir hendi
til að gefa byr undir báða vængi
á seinni stigum. Í heild held ég
að umhverfið hér til að stofna
sprotafyrirtæki sé mjög gott.“
„Hér á landi er til flottur vélakostur sem nýtist í
suma íhluti, aðra pöntum við að utan, svo verður
samsetn ingin hér.“
Ævintýraheimur á ílátum
Tulipop er hönnunarfyrirtæki sem vakið hefur athygli innanlands og utan. Framleiðslan byggist á
ævintýraheimi fyrir börn. Signý Kolbeinsdóttir er úr hópi fyrstu vöruhönnuða á Íslandi. Hún stendur
að framleiðslunni ásamt Helgu Árnadóttur tölvufræðingi.
Tulipop byggist á hönnun. Býrð
þú að menntun og starfsreynslu
sem hönnuður?
„Já, ég er vöruhönnuður að
mennt, en ég hef líka alla tíð
verið dugleg að teikna og hef
þróað minn eigin stíl í gegnum
árin. Ég útskrifaðist úr LHÍ
árið 2003 og var þar í fyrsta
árganginum sem útskrifaðist
með gráðu í vöruhönnun. Ég
tók hluta námsins í Mílanó á
Ítalíu og þar var ég svo lánsöm
að hitta kennara sem hvatti mig
eindregið til að halda áfram
með teikningarnar mínar en
vöruhönnun mín var oftast
mynd skreytt og fylgdi mjög
oft stutt myndasaga með.
Eftir útskrift fór ég að vinna
sjálf stætt sem teiknari og vann
einnig um skeið á auglýsinga­
stofu, sem var ákveðin reynsla.
En mig hafði alltaf langað til
að búa til mínar eigin vörur og
sjá karakterana mína verða að
einhverju öðru en bara mynd.
Áður en við Helga Árnadóttir
stofnuðum Tulipop 2010 hafði
ég þegar stigið ákveðin skref í
þá átt og framleitt t.d. skissu­
bækur og kort sem ég seldi
víða í búðum.“

Hve langt er fyrirtækið komið á
þróunarbrautinni?
„Þegar við stofnuðum Tulipop
settum við okkur metnaðarfullt
markmið; að búa til hönnunar­
fyrirtæki á sviði „character
Signý Kolbeinsdóttir
hjá Tulipop
ungir frumkvöðlar