Frjáls verslun - 01.10.2006, Side 56

56 F R J Á L S V E R S L U N • 1 0 . T B L . 2 0 0 6
Á Tálknafirði lét Már Erlingsson af starfi sveitarstjóra og gerðist
innkaupastjóri Skeljungs. Eyrún Ingibjörg Sigþórsdóttir viðskipta-
fræðingur, sem jafnframt er oddviti sveitarstjórnar á Tálknafirði, tók
við starfi Más.
Helstu tíðindin á Vestfjörðum voru annars að Sjálfstæðisflokkur,
sem lengi hefur stjórnað málum í Bolungarvík, missti þar meiri-
hluta sinn. Afl til áhrifa og Bæjarmálafélag Bolungarvíkur stjórna nú
málum í Víkinni og réðu Grím Atlason þroskaþjálfa sem bæjarstjóra.
Einar Pétursson, sem var bæjarstjóri á síðasta kjörtímabili, starfar í
dag hjá verktakafyrirtækinu KNH á Ísafirði.
Norðurland vestra Á Norðurlandi vestra urðu þær breytingar að
meirihluti VG og sjálfstæðismanna í Skagafirði féll. Samfylking
og Framsókn náðu völdum og réðu sem sveitarstjóra Guðmund
Guðlaugsson, sem áður var bæjarstjóri í Vesturbyggð og þar áður
á Siglufirði. Sveitarstjóri Skagfirðinga á síðasta kjörtímabili, Ársæll
Guðmundsson, sem kom úr röðum VG, hætti pólitískum afskipum
og var á dögunum ráðinn skólameistari nýs framhaldsskóla í Borg-
arfirði sem heimamenn þar eru að koma á laggirnar.
Norðurland eystra Undir lok síðasta kjörtímabils samþykktu íbúar
á Siglufirði og Ólafsfirði sameiningu sveitarfélaganna enda verður
aðeins örstutt milli þessara tveggja kaupstaða á norðanverðum
Tröllaskaga þegar Héðinsfjarðargöng verða komin í gagnið. Þórir
Örn Þórsson var ráðinn bæjarstjóri í hinu nýja sveitarfélagi, sem ber
nafnið Fjallabyggð. Á síðasta kjörtímabili var Runólfur Birgisson
bæjarstjóri Siglfirðinga og Stefanía Traustadóttir stýrði málum í
Ólafsfirði. Þau hafa nú bæði horfið til annarra starfa. Stefanía er sér-
fræðingur í félagsmálaráðuneyti og Runólfur „…er fluttur á mölina
eins og hinir og er að líta í kringum mig eftir starfi,“ eins og hann
komst að orði.
Eftir kosningarnar í Dalvíkurbæ í vor tóku Framsókn og óháðir sig
saman um myndun meirihluta. Svanfríður Inga Jónasdóttir, fyrrver-
andi alþingismaður, er bæjarstjóri fyrir hönd óháðra fram til 2008 en
þá munu framsóknarmenn taka við keflinu. „Ég hef verið í ýmsum
tímabundnum verkefnum undanfarið,“ segir Valdimar Bragason sem
var bæjarstjóri á síðasta kjörtímabili en starfinu gegndi hann einnig
1974 til 1982.
Á Akureyri sömdu Sjálfstæðisflokkur og Samfylking um meiri-
hlutasamstarf á þann veg að fulltrúi hinna fyrrnefndu verður bæj-
arstjóri fyrstu þrjú ár kjörtímabilsins. Kristján Þór Júlíusson, sem
hefur verið bæjarstjóri síðan 1998, lætur af starfinu nú um áramót
sem að framan greindi. Þá tekur Sigrún Björk Jakobsdóttir við og
verður bæjarstjóri til 2009, þegar Hermann Jón Tómasson samfylk-
ingarmaður tekur við.
Í Þingeyjarsveit, sem spannar Reykjadal, Ljósavatnshrepp og fleiri
byggðir, lét Jóhann Guðni Reynisson af starfi sveitarstjóra og snéri sér
að húsasmíði. Í hans stað var ráðinn Sigbjörn Gunnarsson, fyrrver-
andi alþingismaður, sem áður hafði verið sveitarstjóri í Mývatnssveit
í tæpan áratug.
Með sameiningu sveitarfélaga í Þingeyjarsýslu varð til Norð-
urþing, sem nær frá Laxá í Aðaldal austur á Melrakkasléttu. Meiri-
hluti framsóknar- og sjálfstæðismanna þar réð Berg Elías Ágústs-
son, áður bæjarstjóra í Vestmannaeyjum, sem framkvæmdastjóra
sveitarfélagsins. Af störfum létu Reinhard Reynisson, bæjarstjóri
á Húsavík, sem nú er í mastersnámi við Háskólann á Bifröst,
Elvar Árni Lund, áður sveitarstjóri í Öxarfjarðarhreppi, vinnur við
umboðssölu á sjávarafurðum hjá Íspólum ehf. og Guðný Hrund
Karlsdóttir á Raufarhöfn er komin til starfa hjá hugbúnaðarfyr-
irtækinu Maritech.
Austurland Á Seyðisfirði féll meirihluti vinstri manna og Hafn-
arfjarðarkratinn Tryggvi Harðarson lét af starfi bæjarstjóra. „Ég hef
undanfarið verið í ýmsu viðskiptastússi og byggi þar á tengslum
mínum við Kína, enda menntaður þar. Er ekki í neinu föstu starfi en
er að líta í kringum mig,“ sagði Tryggvi sem fluttur er aftur í Hafn-
arfjörð og mun skipa 6. sæti á lista Samfylkingar í Suðvesturkjördæmi
á vori komanda. Í stað Tryggva sem bæjarstjóri eystra var ráðinn
Ólafur H. Sigurðsson skólastjóri í Neskaupsstað sem gegndi starfinu
raunar einnig 1998 til 2002.
Í Fjarðabyggð lét Guðmundur Bjarnason af starfi bæjarstjóra eftir
sextán ára setu og sagðist í blaðaviðtali ætla „í langt og gott frí“ nú
B Æ J A R S T J Ó R A H R I N G E K J A N
Björg Ágústsdóttir. Hætt
eftir ellefu ár í Grundarfir›i.
Bergur Elías Ágústsson.
Eyjama›urinn fór á Húsavík.
Orri Hlö›versson.
Úr Hverager›i til Frumherja hf.
Oddn‡ G. Har›ardóttir.
N‡r bæjarstjóri í Gar›inum.