Frjáls verslun - 01.10.2006, Side 115

F R J Á L S V E R S L U N • 1 0 . T B L . 2 0 0 6 115
FURÐULEG JÓLAÓSK
Dreymdi um regnhlíf
Margrét Kjartansdóttir. „Innan um miklar umbúðir fann ég glansandi, vínrauða regnhlíf.“
Margrét Kjartansdóttir, eigandi versl-
unarinnar Marimekko, segir að þegar
hún var stelpa hafi hún alltaf verið
með einhverjar sérþarfir sem enginn
skildi.
„Ég var 13 ára jólin 1961.
Jólagjafir voru færri og ekki jafnstórar
og þær eru í dag og var því óskalist-
inn mjög vandaður og vel yfirfarinn.
Þennan vetur fannst mér ekkert eins
flott eins og að ganga um bæinn með
regnhlíf, hún átti ekki að spennast
upp heldur bara að gagnast eins og
göngustafur. Foreldrum mínum til
mikillar undrunar var þetta það eina
sem ég óskaði mér í jólagjöf þetta
árið og þar sem þetta var svo gjör-
samlega út í hött fékk ég engar undir-
tektir og var mér gefið mjög ljóslega
í skyn að þessi ósk mín yrði ekki að
veruleika. Á aðfangadagskvöld sá
ég engan pakka undir trénu frá for-
eldrum mínum og olli það mér miklum
kvíða. Seinna um kvöldið kom pabbi
svo með tveggja metra langan pakka
neðan úr kjallara og fékk ég hálf-
gert taugaáfall; nú átti að senda mig
á skíði. Ég var engin íþróttastelpa
og vildi miklu frekar vera smart á
Laugaveginum. Innan um miklar
umbúðir fann ég glansandi, vínrauða
regnhlíf sem faðir minn hafði af
stakri alúð pakkað í risapakka til að
villa um fyrir mér því hvernig pakkar
maður regnhlíf án þess að innihaldið
uppgötvist? Þetta gladdi mig alveg
ótrúlega og mikið fannst mér pabbi
minn klár.“