Tímarit Máls og menningar - 01.04.1964, Síða 11

TÍMARIT MÁLS OG MENNINGAR • 25. ÁRG. • 1964
1. HEFTI ■ APRÍL
Til félagsmanna Máls og menningar
Tímaritið
Á RIÐ 1960 var Tímarit Máls og menningar stækkað í 27 arkir á ári, með íimm heítum
árlega; þó tókst ekki, af óviðráðanlegum ástæðum, að koma út nema 23 örkum í
fyrra, í fjórum heftum. Hvert hefti hefur verið fimm eða sex arkir (80 eða 96 blaðsíður).
Stjóm Máls og menningar hefur nú valið þann kost að fækka heftunum aftur í fjögur á
ári, og hafa þau jafnframt stærri, eða sex til átta arkir hvert, að meðaltali sjö arkir. Til
þessarar breytingar liggja einkum tvær ástæður: í fyrsta lagi eru fimm til sex arkir ekki
allskostar heppileg heftastærð á tímariti eins og þessu; það er meiri örðugleikum bundið
að skipa svo efni í hefti af slíkri stærð að þau verði hæfilega fjölbreytileg, heldur en ef
þau em einni til tveim örkum stærri. I öðm lagi hefur raunin orðið sú að ritstjómarstörf
við fimm hefti á ári eru meiri en svo að hægt sé að sinna þeim sem aukastörfum þannig að
viðunanlegt megi teljast; og munu flestir sammála um að þá sé réttara að fækka heftunuin
í von um að þau verði betur úr garði gerð. Rétt er að benda félagsmönnum á að árgang-
urinn minnkar ekki að blaðsiðutölu við þessa breytingu, heldur stækkar hann þvert á móti
um eina eða tvær arkir.
Vissulega hefði verið meira gaman að geta tilkynnt félagsmönnum að Tímaritið mundi
stækka að mun á þessu ári, að það kæmi til dæmis út í sjö arka heftum fimm sinnum eða
jafnvel sex sinnum. Raunar telur stjórn og félagsráð Máls og menningar að slík stækkun
væri mjög æskileg; en hún verður að minnsta kosti að bíða þess tíma að Máli og menn-
ingu verði fært að ráða ritstjóra að Tímaritinu sem geti helgað því krafta sína nokkurn-
veginn óskipta.
Argjaldið
Öllum er kunnugt um þá miklu hækkun á hverskonar framleiðslukostnaði sem varð á
síðasta ári og enn er ekki séð fyrir endann á. Þessi kostnaðaraukning hefur ekki síður
bitnað á bókagerð en öðrum framleiðslugreinum, og því er augljóst að Mál og menning
kemst ekki hjá að hækka árgjald sitt. Stjóm Máls og menningar og félagsráð hafa líka
fyrir skömmu ákveðið að hækka árgjaldið úr kr. 350 í kr. 450 eða um tæplega 29%. Við
vonum að allir félagsmenn sjái að þessi hækkun er óhjákvæmileg, og við bendum enn einu
sinni á að þrátt fyrir hana eru bækur og tímarit Máls og menningar látin félagsmönnum
í té á ótrúlega lágu verði. Miðlungsbók (250—300 bls.) kostaði á síðustu jólakauptíð
1 TMM
1