Tímarit Máls og menningar - 01.03.1977, Blaðsíða 101

Nýliðinn Svejk
hann kom á járnbrautarstöðina og þrem kortérum seinna sat hann glaður
og reifur í lestinni til Neðra-Austurríkis.
Ekkert varð til að spilla verðskuldaðri framvindu hermessunnar þennan
dag nema barkandi ítalskr messuvínið á könnunni. Undir kvöldið fór
Augustin Kleinschrott fremur að hallast að því að Svejk góðidáti væri skít-
hæll og draugfullur í þokkabót að veltast einhvers staðar óvitandi um
skyldur sínar við herinn.
Formælingar Augustins Kleinschrotts bárust um gjörvallar herbúðirnar
og þær stigu jafnvel upp fyrir tinda Alpafjallanna og fylltu Etschdalinn
þar sem Svejk góðidáti var nýfarinn hjá með bros á vör og hugarró þess
sem er að gera skyldu sína.
Lestin brunaði með hann yfir dali og gegnum jarðgöng. Og á hverjum
viðkomustað spurði Svejk að því sama:
„Vöslau — Neðra-Austurríki?“
Loksins fékk svo brautarstöðin í Vöslau að sjá þetta broshýra andlit. Þar
vék Svejk góðidáti sér að manni með kaskeiti, fékk honum hervegabréfið:
„Að skyldustörfum vegna vínfanga“ og innti hann með elskulegu brosi eftir
því hvar herbúðirnar hérna væru.
Maðurinn með kaskeitið bað hann þá að sýna sér „herkortið“ yfir förina
en Svejk góðidáti svaraði því til að hann vissi ekki hvað „herkort" væri.
Þá bættust í hópinn tveir aðrir með kaskeiti og fóru að útlista fyrir
Svejk að engar herbúðir væru nær en í Korneuburg.
Svejk góðidáti fékk sér þá farmiða til Korneuburg og hélt áfram að
ferðast.
I Korneuburg var statt járnbrautarherfylki. Hissa manna var ekki lítil
í herbúðunum þegar Svejk góðadáta skaut þar upp um hánótt og hann
rétti hliðverðinum vegabréf sem á stóð: „Að skyldustörfum vegna vín-
fanga“.
„Þetta látum við nú bíða til morguns," sagði vörðurinn, „vakthafandi
offíséri er nýsofnaður.“
Svejk góðidáti hallaði sér þá á bedda og sofnaði svefni hins réttláta manns
sem öllu hefur fórnað fyrir þjóðarheill.
Morguninn eftir var hann drifinn á deildarskrifstofuna. Þar afhenti hann
bókhaldsoffíséra vegabréfið sitt: „Að skyldustörfum vegna vínfanga“,stimpl-
að „Herbúðir Castel-Nuovo, Rgt. 102, Bat. 3“ og undirritað af vakthafandi
offíséra.
87