Tímarit Máls og menningar - 01.12.1988, Síða 72

Tímarit Máls og menningar
að segja að frásögnin sé „gölluð“, en það kemur illa heim og saman við það
að höfundinum tekst að skapa sannfærandi sögu.
Klaus Hoeck hefur sett nýtt Danmerkurmet í lengd ljóðasafna með
ljóðabók upp á 640 blaðsíður. Og ef einhver skyldi halda að bókin sé um-
fangsmikil vegna þess að ljóðin séu stutt og fylli lítið af blöðunum, þá skal
þess getið að bókin rúmar 1.734 ljóð, eða 3 á hverri blaðsíðu. Bókin heitir
Hjem og fjallar um langt ferðalag til þessa áfangastaðar. Bókin skiptist í 3
spor: Náttúruna, Menninguna og Andann. Náttúru-sporið kemur fyrst og
er efst á síðum bókarinnar, frá vinstri til hægri. Síðan fylgir Menningar-
sporið neðst, og því á að fylgja frá hægri til vinstri, en síðasta sporið, spor
Andans byrjar í miðju bókarinnar og breiðir úr sér til beggja hliða.
Það eru enn fleiri kerfi sem liggja til grundvallar fyrir gerð bókarinnar,
meðal annars mánuðirnir tólf og mörg ljóð eru byggð upp út frá bókstöf-
unum í efnissamsetningu dansks jarðvegar.
Danmerkurmetið fyrir lengsta smásagnasafnið á Peer Hultberg, sem árið
1985 gat út smásagnasafnið Requiem upp á 612 blaðsíður, en í því lætur
hann 537 einstaklinga fá orðið í jafnmörgum köflum. Þeir lifa allir í ein-
angrun í stórborg, og eru hver um sig á eintali sálarinnar. Með þessum 537
röddum vill Peer Hultberg draga upp mynd af sál Evrópubúans.
Síðast í þessari upptalningu langar mig til að minnast á röð af bókum eft-
ir Per Hojholt sem hann nefnir PRAKSIS, en þessar bækur hafa að geyma
einhvers konar smásögur eða esseyjur. Þær eru oft býsna líkar völundar-
húsum, og svipar mikið til bæði verka Franz Kafka og Jorge Luis Borges,
sem Per Hojholt segist skulda svo mikið að það fari að nálgast gjaldþrot.
Þjóðfélag og stjórnmál
Aður en ég vík að umræðunni um síðmódernisma langar mig til að víkja
aðeins að dönsku þjóðfélagi. Eg ætla ekki að þreyta ykkur með löngum
fyrirlestri um þjóðarframleiðslu og kreppu, enda er það óþarfi. Viðhorf
Dana til pólitíkur verður helst lýst með þeim orðum að ef pólitík og kosn-
ingar gætu breytt einhverju, þá væri löngu búið að banna þær.
Dönsk pólitík fjallar ekki um það sem skiptir máli fyrir menn. Dönsk
pólitík fjallar um hvort það eigi að loka Kristjaníu, hvort við höfum efni á
að taka við innflytjendum og flóttamönnum, hvort við borgum of mikið í
skatta, hvort það beri að efla lífeyrissjóðina, og um viðskiptahallann, sem
heldur áfram að aukast þrátt fyrir mánaðarlegar aðgerðir. Jú, kannski fjallar
dönsk pólitík einnig pínulítið um atvinnuleysið, sem hefur sett milljón
manns úr leik. En þetta vandamál er eiginlega orðið svo vandræðalegt og
ómeðfærilegt að það kemst ekki lengur fyrir á dagskrá danska þingsins. Því
hefur verið ýtt til hliðar ásamt annarri eyðileggingu sem svarar til 21,5
462