Skírnir - 01.04.1994, Qupperneq 123

SKÍRNIR „MUN KONUNGI EG ÞYKJA EKKI ORÐSNJALLUR" 117
Hugum nánar að víðara samhengi þessara orða Þórólfs með
því að rekja það sem sagt er af skiptum þeirra bræðra. Fyrsta nótan
sem slegin er í þeirri frásögn beinir athyglinni að samkeppni Egils
við eldri bróður sinn; Egill er ekki nema þriggja ára gamall þegar
hann neitar að sitja heima er Þórólfi er boðið til veislu.11 Næst er
sagt frá því þegar Þórólfur neitar Agli um að koma með sér til
Noregs en Egill svífst einskis til að ná fram vilja sínum. Ekki
verður þó séð að sagan tengi þessi ofsafengnu viðbrögð Egils við
samkeppni milli þeirra bræðra. Þó er mjög athyglisvert hvernig
frásögninni er hagað á þessum stað. Áður en Egill ber fram sína
beiðni, tilkynnir Þórólfur föður sínum að hann ætli til Noregs
því hann eigi „nauðsynleg erindi til fararinnar", og að Ásgerður,
sem er af tignum ættum í Noregi en hefur verið í fóstri hjá Skalla-
Grími, eigi að koma með sér (413). Síðan er sagt að skipið sé til-
búið og að Þórólfur og Asgerður séu við skip og bíði byrjar. Þá
kemur langt innskot í söguna, þar sem sagt er frá komu land-
námsmannsins Ketils blunds til Islands, giftingu sonar hans og
dóttur Skalla-Gríms og loks raktar tvær frásagnir af Agli í æsku.
Þetta endurlit virðist þjóna þeim tilgangi að sýna hvernig tíminn
líður og börn landnámsmanna verða að manni og ganga í hjú-
skap. Það varpar þó fyrst og fremst ljósi á ofsafengið skapferli
Egils.
Fljótt á litið virðist innskotið rökrétt þótt tímaröðinni sé rask-
að, því nú verður Egill aðalpersóna sögunnar og því þarf að
kynna hann nánar. Auk þess kemur skapofsi Egils fram þegar
hann grípur til örþrifaráða til að neyða Þórólf til að taka sig með
til Noregs. Vert er þó að gefa því gaum að eftir að innskotinu
lýkur og Egill biður um að fá að fara með, er ekki lengur minnst á
Asgerði. Það er eins og höfundur vilji draga athygli lesandans frá
þeim möguleika að ofsi Egils sé ekki einvörðungu skapgerðar-
bundinn, heldur geti einnig stafað af afbrýðisemi í garð bróður
hans. Egil grunar að „nauðsynleg erindi“ Þórólfs ytra séu að biðja
Asgerðar. Það kemur á daginn að þegar Þórólfur tekur land í
Noregi lætur hann það verða sitt fyrsta verk að fara á fund Þóris
11 Sjá bls. 405: „á eg þar slíkt kynni sem Þórólfur.'