Skírnir - 01.04.1994, Qupperneq 239

ODDNÝ G. SVERRISDÓTTIR
Steinninn og stríðstertan
í orðabók Björns Ellertssonar
Björn Ellertsson
Islensk-þýsk orðabók
Isldndisch-Deutsches Wörterbuch
Iðunn 1993
Þýsk-íslenskar og íslensk-þýskar orðabœkur
ORÐABÆKUR GEGNA mikilvægu hlutverki við nám, rannsóknir, þýðingar
og kennslu tungumála sem og menningar- og viðskiptatengsl þjóða. Því
er augljóst að mikill styrkur er í því fólginn ef til eru haldgóðar tveggja-
málaorðabækur á viðkomandi tungumálum. Þar sem hér á eftir er fjallað
um Islensk-þýska orðabók eftir Björn Ellertsson er við hæfi að minnast á
þær íslensk-þýskar og þýsk-íslenskar orðabækur sem út hafa komið á
undanförnum áratugum.
Verk Jóns Ófeigssonar Þýzk-íslenzk orðabók' sem fyrst kom út árið
1935 var mikið tímamótaverk og stærsta þýsk-íslenska orðabókin sem út
hefur komið hingað til. Ingvar G. Brynjólfsson annaðist aðra útgáfu þess
verks árið 1953.1 2 3 I formála þeirrar útgáfu er tekið fram að aðeins hafi
verið gerðar smávægilegar breytingar á réttritun og einstaka beygingar-
endingar ýmissa nafnorða samræmdar við Der grofie Dudenl Þriðja
1 Jón Ófeigsson: Þýzk-íslenzk orðabók. Deutsch-islandisches Wörterbuch.
Reykjavík 1935.
2 Jón Ófeigsson: Þýzk-íslenzk orðabók. Deutsch-islandisches Wörterbuch. Ut-
gáfuna annaðist Ingvar G. Brynjólfsson. Reykjavík 1953.
3 Der grofie Duden. Rechtschreibung der deutschen Sprache und der Fremd-
•wörter, bearbeitet von Dr. Otto Basler. Leipzig 1937. Þess má geta að á þeim
tíma sem liðinn er frá því að þessi útgáfa Duden Rechtschreibung birtist, gerð-
ust þeir atburðir sem urðu til þess að stofnuð voru tvö þýsk ríki og í samræmi
við það kom Duden Rechtschreibung út í fjörutíu ár samhliða í Leipzig og
Mannheim. Sameinuð 20. útgáfa Duden: Die deutsche Rechtschreibung sem út
kom í Mannheim/Leipzig/Wien/Zúrich árið 1991 er sú réttritunarorðabók
þýskrar tungu sem nú nýtur mestrar viðurkenningar og er stefnumarkandi á
sviði réttritunar.
Skírnir, 168. ár (vor 1994)