Skírnir - 01.04.1994, Síða 240

234
ODDNÝ G. SVERRISDÓTTIR
SKÍRNIR
útgáfa þessarar bókar er óbreytt offsetprentun annarrar útgáfu.'1 Þegar
þetta er haft í huga er ekki að undra að mjög sé farið að bera á skorti á
S'rri þýsk-íslenskri orðabók. Notendur Þýzk-íslenzkrar orðabókar Jóns
:eigssonar hafa bent á rangar þýðingar og þá staðreynd að ýmis orð og
hugtök sem algeng eru í nútímamáli vantar. Þar sem vinna við bókina
hófst fyrir fyrri heimsstyrjöld og bókin hefur ekki verið endurskoðuð er
gagnrýni af þessu tagi ómakleg, þótt ekki sé með því verið að draga í efa
þörfina fyrir nýja eða endurskoðaða þýsk-íslenska orðabók. Orðabók
Jóns Ófeigssonar er barn síns tíma eins og orðabækur hljóta ævinlega að
vera. I ljósi þess er skiljanlegt að margt sé nú úrelt og annað vanti. Mikil-
vægi þessa verks fyrir kennslu, þýðingar, viðskipti og hvers konar önnur
tengsl Islands við hið þýska málsvæði verður seint metið og þegar það
kom út var um mikið afrek að ræða.
Aðrar orðabækur sem komið hafa út eru: Þýzka eftir Baldur Ingólfs-
son,4 5 vasaorðabók ætluð Islendingum á ferðalögum um þýskumælandi
lönd og Islándisck-Deutsches Wörterbuch eftir Svein Bergsveinsson.6 Sú
síðarnefnda sem hefur að geyma u.þ.b. 16000 uppflettiorð er fyrsta ís-
lensk-þýska orðabókin og bætti hún á sínum tíma úr mjög brýnni þörf.
Bókin er fyrir alllöngu ófáanleg. Langenscheidt-forlagið gaf út vasaorða-
bókina Langenscheidts-Universal-Wörterbuch Islándisch7 8 og árið 1991
kom út Þýsk-íslensk, íslensk-þýsk vasaorðabókl.
Af þessari upptalningu er ljóst að þörf er á íslensk-þýskum og þýsk-
íslenskum orðabókum.
Frá því árið 1965 hefur verið í vinnslu stór íslensk-þýsk orðabók.
Ingvar G. Brynjólfsson, Kjartan R. Gíslason og Teitur Benediktsson
hófu það verk. Verkið á sér langa sögu og á ýmsu hefur gengið við samn-
ingu þess, m.a. hefur verið skipt um forlag og var forlaginu sem þá fékk
útgáfuréttinn gert að greiða fyrra forlaginu skaðabætur. Samkvæmt
upplýsingum frá Örlygi Hálfdánarsyni útgefanda er verkið nú í handriti
en ekki er unnið að því um þessar mundir. Áætlað er að um 4 til 5 árs-
verk dugi til að ljúka verkinu.
Loks má geta þess að þýska forlagið Buske hefur tilkynnt að haustið
1994 komi út þýsk-íslensk orðabók eftir Ernst Walter fyrrverandi pró-
fessor í norrænum fræðum við háskólann í Greifswald.
4 Jón Ófeigsson: Þýzk-íslenzk orðabók. Deutsch-islándisches Wörterbuch. Þriðja
útgáfa. Reykjavík 1982.
5 Baldur Ingólfsson: Þýzka. Málabækur ísafoldar. Reykjavík 1962.
6 Sveinn Bergsveinsson: Islándisch-Deutsches Wörterbuch. Islenzk-þýzk orða-
bók. Leipzig 1967.
7 Ingvar G. Brynjólfsson: Langenscheidts-Universal-Wörterbuch. Islándisch.
Islándisch-Deutsch. Deutsch-Islándisch. Berlin 1964.
8 Þýsk-íslensk, íslensk-þýsk vasaorðabók. Ritstjórn Eygló Eiðsdóttir og Árni
Böðvarsson. Reykjavík 1991.