Skírnir - 01.04.1999, Qupperneq 95

PLATON
Jón
(eða tilraun um Ilíonskviðu)
Persónur samrœðunnar eru Jón og Sókrates.
Sókrates: Sæll, Jón. Hvaðan kemurðu núna að heimsækja okkur?
Kannski að heiman, frá Efesos?
Jón: Ekki aldeilis, Sókrates, heldur frá Epidáros, af Asklepíosar-
leikunum.1
Sókrates: Halda Epidárar líka keppni milli kvæðaþula til dýrðar
guðinum?
Jón: Svo sannarlega, og í alls kyns skáldlist og tónlist.
Sókrates: Og hvað? Kepptir þú þá eitthvað? Hvernig gekk?
Jón: Eg bar fyrstu verðlaun úr býtum, Sókrates.
Sókrates: Glæsilegt. Svo þú verður að sjá til þess að við vinnum
líka Panaþenuleikana.2
Jón: Það verður, ef guð lofar.
Sókrates: Ég hef oft öfundað ykkur kvæðaþulina, Jón, af list ykk-
ar. Því rétt eins og það hæfir list ykkar að vera alltaf fagurlega
skreyttir um líkamann og að líta sem best út, þurfið þið líka
að verja tíma ykkar í sem flest önnur góð skáld. Þá sérstaklega
Hómer, þann besta og guðlegasta af skáldunum. Þið verðið að
skilja til hlítar hugsun hans, ekki bara að kunna hann utan-
bókar. Þetta er öfundsvert. Því enginn getur orðið góður
kvæðaþulur ef hann skilur ekki það sem skáldið hefur sagt.
Því kvæðaþulurinn á að túlka hugsanir skáldsins fyrir áheyr-
endur. En hann er ófær um að gera það vel, ef hann skilur
ekki hvað skáldið er að segja. Þannig að þetta er allt öfunds-
vert.
1 Asklepíosarleikarnir voru haldnir á fjögurra ára fresti í Epidauros, til heiðurs
Asklepíosi, og þar var kvæðakeppni fastur liður í hátíðarhöldunum.
2 Hátíð í Aþenu, haldin fjórða hvert ár, og þar var kvæðakeppni einnig fastur
liður.
Skírnir, 173. ár (vor 1999)