Skírnir - 01.04.1999, Qupperneq 155
SKÍRNIR
ÍSLENSK ÞJÓÐERNISVITUND
149
sýndu hana ekki, þá væru þær sofandi, frumstæðar eða á einhvern
annan hátt í annarlegu ástandi. Þannig skrifaði til dæmis Páll Egg-
ert Ólason: „Aðrir eins menn og þeir voru Árni Magnússon og
Skúli fógeti Magnússon, hvor á sinn hátt, láta aldrei til sín heyra
óskir um stjórnarfarsbreytingar í þjóðlega stefnu eða um sjálf-
stjórn samlanda sinna.“ Á þessu hafði Páll ekki aðra skýringu en
þá að „einveldisandinn [hefði] gagntekið alla, sem nokkuð láta til
sín heyra“.21 Ernest Gellner hefði getað bent á aðra skýringu, þótt
ekki skuli fullyrt að Páll Eggert hefði tekið mikið mark á honum.
Mér var módernisminn hrein opinberun þegar ég las bók
Gellners fyrst árið 1985, enda setur hann verulegan svip á nokkr-
ar greinar sem ég skrifaði um þessi efni á árunum 1987 og 1988.22
Eg afneita honum ekki heldur núna; ég held að það sé meginatriði
í þessu sambandi að Evrópumenningin fékk á 19. öld nýja sann-
færingu um nauðsyn þess að mörk þjóða og ríkja féllu saman.
Hins vegar vil ég andæfa ofvexti módernismans í umræðunni.
Eins og títt mun vera um snjallar kenningar um menningu og
samfélagsefni hefur hann gerst óþarflega frekur í háskólum
heimsins, líkt því sem nýjar tegundir eins og minkur eða lúpína
hafa tilhneigingu til að gera þar sem náttúrulegar takmarkanir eru
ekki fyrir hendi.
Áður þykist ég hafa sýnt fram á að Islendingar hafi haft ís-
lenska þjóðernisvitund og skilið sig glöggt frá öðrum þjóðum á
þjóðveldisöld, þó að enn sé langt í frá fullrætt hve mikil áhrif það
hafði á pólitíska hugsun þeirra.23 Hér ætla ég að leitast við að
21 Páll Eggert Ólason: Jón Sigurósson II (Reykjavík, Þjóðvinafélag, 1930), 29.
22 Gunnar Karlsson: „Folk og nation pá Island." Scandia LIII:1 (1987), 129-45,
205. - Gunnar Karlsson og Hans Jacob Debes: „Island - Færoerne - Gron-
land.“ Nationale og etniske minoriteter i Norden i 1800- og 1900-tallet.
Rapporter til den XX nordiske historikerkongres, Reykjavík 1987 II (Reykja-
vík, Sagnfræðistofnun, 1987. Ritsafn Sagnfrœðistofnunar XIX), 15-24. - Sbr.
einnig næstu neðanmálsgrein hér á eftir.
23 Gunnar Karlsson: „Upphaf þjóðar á íslandi." Saga og kirkja. Afmælisrit
Magnúsar Más Lárussonar (Reykjavík, Sögufélag, 1988), 21-32. - Nokkurn
veginn sama grein birtist á ensku undir titlinum „When did the Icelanders
become Icelanders?“ í ráðstefnuritinu Líf undir leiðarstjörnu. (Man in the
North - MAIN). Ritstjóri Haraldur Bessason (Akureyri, Háskólinn á Akur-
eyri, 1994), 107-15.