Skagfirðingabók - 01.01.1970, Blaðsíða 59
SKÁLAMÝRI
tunguna alla niður frá Skálamýri, kvað þangað Þór hafa vísað honum
og þar stafn á horft, þá er hann sigldi upp á Borgarsand, kvað honum
ærið það landnám og hans sonum. Þenna kost þekkist Hreiðar og
bjó á Steinsstöðum".
Eiríkur sýndi hyggindi mikil í skiptum sínum við Hreiðar, sem
taldi, að Þór hefði vísað sér til landnáms þar í héraðinu, sem Sæm-
undur hinn suðureyski sat fyrir. Eiríkur leiðir rök að hinu, að Þór
hafi í raun vísað Hreiðari á Reykjatungu. Þannig sættir hann Hreiðar
við hlut sinn, enda bjó hann í landnáminu til elli og „kaus að deyja
í Mælifell".1
III.
„SvARTÁRDAL allan og Ýrarfellslönd öll með ráði Eiríks"
nam Hrosskell, sá er bjó að Ýrarfelli. Landnám hans hefur náð að
Gljúfurá. Þar hafa verið upphafleg vesturmörk á landnámi Eiríks,
eftir að þangað kom fram. Það er vísbending um þessi gömlu landa-
1 Mælifell (Mælifellshnjúkur) sést vel í suðvestri frá Steinsstöðum. Þó er
sjónhringurinn þar ekki víður. Efribyggðarfjöll sjást og á Neðribyggð bæirnir
Gilkot (nú Steintún) og Skiðastaðir, en ekkert af meginsveitinni út og fram.
Suður sést nokkuð i Tunguna, þó ekki til bæja, og ganga þarf austur spölkorn,
til þess að sýn opnist til Blönduhlíðar. Hafi Steinsstaðir verið landnámsjörðin,
er torskilið, hvað réð staðarvalinu, meðan óbyggð var öll Tungan utanverð og
hægt að velja bæjarstæði að vild. Grunar mig, að hér sé málum blandað og
Kráku-Hreiðar hafi í raun og veru búið á Reykjum. Hníga rök til þess: Reyk-
ir eru stórbýli meira að fornu mati en Steinsstaðir (helmingsmunur á dýrleika),
langtum landmeiri jörð. Þaðan blasir byggðarlagið við fram til Svartárdals og
út til Tindastóls og þvi miklum mun hægara að fylgjast með mannaferðum
þar. Mælifell, sem Hreiðar hafði átrúnað á, er óvíða að sjá tignarlegra en frá
Reykjum. Tungu-Steinn, afkomandi Hreiðars, er að vísu í Grettlu sagður búa
á Steinsstöðum, og má geta sér þess til, að Reykir hafi verið höfuðbólið í Iand-
náminu, en Hreiðar haft útibú á Steinsstöðum, afkomendur hans sumir búið
þar síðar og það valdið missögninni.
Séu Steinsstaðir kenndir við Tungu-Stein, en Hreiðar búið þar áður, þá er
þar dæmi um glatað bæjarnafn, þ. e. glatazt hefur það nafn, sem Kráku-Hreið-
ar gaf staðnum.
57