Skagfirðingabók - 01.01.1970, Blaðsíða 192
HORFT TIL BAKA
MENN OG UMHVERFI
eftir JÓHANNES SIGURBSSON
Ég er fæddur á Hugljótsstöðum á Höfðaströnd 5. febrúar
1903. Voru foreldrar mínir Sigurður Ólafsson, sonur Ólafs Ólafssonar
bónda á Spáná í Unadal og Lilju Þorsteinsdóttur konu hans. Móðir
mín var Margrét Baldvinsdóttir, Gottskálkssonar, en móðir hennar var
Helga Þórðardóttir frá Burstabrekku í Ólafsfirði.
Foreldrar mínir fluttu að Hugljótsstöðum árið 1901 frá Spáná, en
þar höfðu þau búið frá 1894, og var ég fimmta barn þeirra, en alls
urðum við systkinin átta.
Hugljótsstaðir er lítil jörð, túnið gaf af sér hálft annað kýrfóður, og
engjaheyskapur var fyrir um 30—40 kindur. Það var því ekki hægt að
hafa stórt bú. En þar sem fjölskyldan var mannmörg (föðurforeldrar
mínir voru líka á heimilinu, amma til 1904 og afi til 1912), varð
pabbi að leita atvinnu utan heimilisins. Var hann við sjó haust og vor,
við Drangey á vorin við fuglaveiðar, en fiskveiðar á haustin. Þrátt
fyrir það þurfm börnin að fara í vist, eftir því sem tækifæri gafst, tvö
elztu fóru fljótlega eftir ferminguna, hið þriðja var tekið í fóstur árið,
sem ég fæddist, og ólst þar upp að öllu leyti. Árferði var mjög erfitt
á þessum tíma og oft heyleysi og mikil vanhöld á fénaði. Þess vegna
var því tekið fegins hendi, er beðið var um mig fyrir smala að Mýra-
koti í sömu sveit vorið 1912. Ekki svo að skilja, að foreldrar mínir
vildu losna við okkur, heldur var það ill nauðsyn, og sár var þeirra
söknuður við hvert barn, sem í burtu fór. Foreldrar mínir voru bæði
vel gefin og kenndu okkur margt, bæði ljóð, vers og sögur, einkum
190