Skagfirðingabók - 01.01.1970, Síða 183

ÞRJÚ SENDIBRÉF
var ekkert bréfið til, ég hef lengi volað um það, og ýmist verið hrygg
eða reið af því. Þar er þá fyrst til að taka á fréttunum af okkur, að við
fluttum hingað að Borg í vorið var, ég að sönnu sá það áður, að okkur
var ei mögulegt að vera lengur á Völlum við sömu kjör, nema fara
í árlegar skuldir eins og við líka komustum í, þar við höfðum svo lítið
og gátum ekki komið upp skepnunum fyrir allra handa kreppu, en
þótti þó flestu lakara, að maðurinn minn væri ei við prestsverkin, þar
bæði mér og öðrum fannst hann gjöra þau svo vel og sóknarfólkinu
þótti svo vænt um hann. Þó af því enginn vegur opnaðist annar en
fara aftur í Skagafjörðinn, því ekki vildi ég þó flytja mig annað, þar
mér endilega fannst ég þyrfti að komast aftur í hann að deyja í hönum,
fórum við því hingað, því í Blönduhlíð fannst mér ofmikil umbreyting
hafa skeð til þess ég hefði þar nokkuð yndi.1 Síðan við hingað kom-
um höfum við kunnað vel við okkur og langt betur en ég gat vænt,
skepnurnar vóru að sönnu mikið gagnslitlar í sumar, en við fengum
talsvert af silungi, sem nokkuð bætti það upp. Við erum með 9 manns,
en Sigvaldi og Guðrún kona Bjarna sál.,2 sem hér hafa verið þetta ár,
með 5, en fara nú burtu í vor, ef þau geta fegnið bærilegt jarðnæði,
því hér er ei tvíbýlisjörð vegna töðuleysis, þó söknum við þeirra reynd-
ar, því við höfum kunnað dáindis vel við þau. Hér er nú orðin dá-
indis góð bygging eftir því sem á bæjum er, þó hún sé ei lík því sem
á Víðivöllum: Nefnilega fjögur þil fram á hlaðið, nýbyggðar bæjardyr,
stofa og tvær skemmur. Eftir er að byggja dyraloftið, hitt af bæjar-
húsum er gamalt, sérdeilis baðstofan, þó hef ég kunnað langt betur
við húsin hér en á Völlum, því þar voru dæmalaus þrengsli, húsið sem
við og litli Pétur sofum í upp á loftinu er ei að öllu ósvipað húsinu,
sem við vorum í á Víðivöllum, undir því er annað, sem gestir hafa sofið
í. Stofan er dásnotur, þó hún sé ei stór. Keyptum við þilið allt í hana
að Sigvalda og gluggana fyrir 50 dali og var það máske vel dýrt, en
hér var þá ekkert hús, sem manni varð inn í boðið, hún hefir síðan ver-
1 Hér er eflaust átt við það, að foreldrar Elinborgar voru báðir látnir (síra
Pétur d. 29. júlí, 1842 og frú Þóra d. 8. sept., 1843).
2 Sigvaldi Jónsson Skagfirðingur og Guðrún Þorsteinsdóttir. Guðrún var
ekkja eftir Bjarna Jónsson (Borgar-Bjarna). Höfðu þau eignazt 20 börn. Varð
Guðrún fyrri kona Sigvalda (Sjá Skagfirðingabók I, bls. 164 o. áfr.).
181