Múlaþing: byggðasögurit Austurlands - 01.01.1997, Side 11

Sterlingsstrandið
Föstudag 5. maí
Settar um borð dampdælur. Vélarrúmi haldið þurru með skipsins eigin dælum.
Hásetar allir og stýrimenn komu um borð til hjálpar og laga lítið eitt til á dekkinu. Kl.
3.20 e.h. byrjað að dæla frá II. lest með annarri dampdælunni. Kl. 5 e.h. með hinni, en
allt árangurslaust. Reynt var að dæla frá III. lest með mótordælu, en sömu leiðis
árangurslaust. Um flóðið valt skipið talsvert og barðist við grjótið. Um kvöldið byrjuðu
hásetar að veiða upp vörur sem flutu í II. lest og skiptust á við það til kl. 11 e. h. Var þá
mikið tekið upp og svo hætt. Um kvöldið var ekki hægt að halda vélarúmi þurm og var
þá eldurinn slökktur og skipið látið fyllast.
Laugardag 6. maí
Um morguninn var sendur kafari niður til að skoða skipsbotninn og eftir þá skoðun
var álitið ómögulegt að bjarga skipinu. Öll áhöld flutt aftur um borð í e/s Geir og
ýmislegt dót sem bjargað hafði verið. Skipstjóri og öll skipshöfn til Seyðisíjarðar.
Komið þangað kl. 8 e.h. Skipshöfn afskráð. Hætt að skrifa dagbók.
Ásgeir Jónasson
Þannig lauk dagbók þessa góða og vin-
sæla skips, sem endaði ævi sína á sama
skerinu og Jens Wíum sýslumaður fórst við
í maí 1740, eða réttum 182 árum áður, við
áttunda mann. Við hann er þetta blindsker
stundum kennt, þannig að það er nefnt
Sýslumannsboði og er skammt út af Slétta-
nesinu. Upphaflega nafnið, sem vitað er um
á boða þessum, eða skerinu sem það brýtur
á, er Sléttanesboði. En yngsta nafnið, sem
blindsker þetta hefur fengið er Sterlings-
boði, og er það nafn skráð í ömefnaskrá yfír
Brimnesland sem Sigurður Vilhjálmsson,
fræðimaður og bóndi á Hánefsstöðum, tók
saman. Þannig geta ný ömefni skapast af
atburðum sem höfðuðu það sterkt til manna
að viðkomandi staður hlýtur nafn þar af,
jafnvel þótt annað, eða önnur nöfn tengd
öðmm viðburði eða náttúrulegum aðstæð-
um, væm þar fyrir. En svo má segja um
Sterlingsboða.
Ekki hefí ég séð afrit af kladdadagbók
mánudagsins 1. maí. Aðeins þessir 5 dagar
skráðir í strandgögnum sýslumanns. Þess
má og geta að Baldur Einarsson sem stóð
vakt um borð í Sterling með Sigurði
Gíslasyni, II. stýrimanni, var háseti. Því
bætti ég við í kladdadagbókina að framan.
Grein Árna Vilhjálmssonar
Hér á eftir fer seinni hluti greinar sem Árni
Vilhjálmsson, frá Hánefsstöðum í Seyðis-
fírði, birti í Lesbók Morgunblaðsms 1950,
bls. 213-216. Sleppt er upphafi greinarinnar
vegna þess að þar er sagt frá
strandinu sjálfu og bætir nánast engu við
þær frásagnir sem raktar voru í fyrri
greininni um Sterlingsstrandið í síðasta
hefti Múlaþings. Ámi byrjar að segja frá
tilraunum til að bjarga skipinu af strandstað:
9