Múlaþing: byggðasögurit Austurlands - 01.01.1997, Page 169
Ársskýrslur
Nýtt húsnæði.
Langþráðu takmarki var náð 17. apríl 1996 þegar starfsemi safnsins flutti í nýtt og glæsilegt
húsnæði að Laufskógum 1. Við flutninginn varð gerbylting á aðstöðu starfsmanna. Urn árabil hafði
safnið liðið fyrir þrengsli og óhentugt húsnæði. Af þeirri ástæðu höfðu safnast upp í geymslum mikið
magn óflokkaðra og óskráðra gagna. Nú er langt komið að flokka og skrá það sem kom úr geymslum.
Olokið er síðasta áfanga núverandi byggingar þar sem er loftræstikerfi hússins. Það er framkvæmd sem
kostar samkvæmt síðustu áætlunum um 6 milljónir kr.
Starfsmenn.
Þann 1. júní 1996 lét Sigurður Óskar Pálsson af störfum sem héraðsskjalavörður eftir að hafa gegnt
því starfi frá 1986. Hér eru Sigurði færðar þakkir fyrir frábær störf í þágu Héraðsskjalasafns
Austfirðinga. Safnið mun um sinn njóta krafta hans en eins og hér kemur fram síðar er hann í
hlutastarfi hjá safninu. I stað Sigurðar var Hrafnkell A. Jónsson Eskifirði ráðinn héraðsskjalavörður
frá 1. júní. Aðrir umsækjendur um starfið voru Sveinn Herjólfsson, Sigfús Guttormsson og Össur
Torfason.
Við Héraðsskjalasafnið er 1,5 stöðugildi og starfa þar 3 starfsmenn; Hrafnkell A. Jónsson
héraðsskjalavörður í 100% starfi, Guðgeir Ingvarsson er í 35% starfi og vinnur mest við
tölvuskráningu og Sigurður Ó. Pálsson sem er í 15% starfi og hefur séð um bókasafn Halldórs og
Önnu, auk þess sem hann hefur leyst héraðsskjalavörð af þegar þörf hefur verið á auk margvíslegra
annarra starfa sem hann hefur sinnt. Þá hefur Arndís Þorvaldsdóttir unnið við skráningu ljósmynda og
hefur til þess verið varið á þessu ári fjármunum sem voru sérmerktir Ljósmyndasafni Austurlands á
fjárhagsáætlun, auk þess sem Safnastofnun Austurlands hefur veitt kr. 50.000,- til verksins.
Forstöðumenn þeirra stofnana sem eru í Safnahúsinu fóru þess á leit við stjórnir stofnanna sinna
að ráðið yrði í starf húsvarðar. Stjórn Héraðsskjalasafnsins samþykkti þessa beiðni en aðrir höfnuðu
beiðninni eða frestuðu að taka hana fyrir. Því varð ekki af ráðningu í þetta starf. Það er ljóst að enn um
sinn er hægt að komast hjá því að ráða húsvörð, enda eru tilfallandi verk eins og hirðing lóðar og ýmis
smærri viðvik sem til falla keypt að ef starfsmenn geta ekki sinnt þessu. Þegar fer að koma viðhald á
húsið þá verður að skoða málin á nýjan leik.
Ljósmyndasafn Austurlands.
Mikið starf er óunnið við skráningu á ljósmyndum, auk þess sem nú er að verða hver síðastur að
bjarga ómetanlegum verðmætum sem liggja í fjölmörgum einkamyndasöfnum sem mörg hver eru lítt
eða ekkert merkt. Þaó er von mín að með starfi Arndísar náist þokkalegur áfangi í frágangi mynda á
safninu. Geir Hólm, safnvörður Sjóminjasafns Austurlands, smíðaði rekka fyrir innrammaðar myndir
Bókasafn.
I stjórn Bókasafns Önnu Guðnýjar og Halldórs eru Árni Halldórsson, formaður, Arndís
Þorvaldsdóttir, ritari og Magnús Þorsteinsson meðstjórnandi. Einn fundur var haldinn í stjórn
Bókasafns Önnu Guðnýjar og Halldórs á s.l. vetri.
Stjórnin fór yfír ýmsa þætti í rekstri safnsins. Mikil umræða var að frumkvæði safnvarðar um
hvaða kostnaðarliði mætti færa á bókasafnið. Tillaga um að umbúðir utan um blöð mætti færa á
bókareikning var samþykkt með þeim fyrirvara að hún gilti aðeins einu sinni. Tillaga um að
167