Múlaþing: byggðasögurit Austurlands - 01.01.1997, Side 94

Múlaþing
Foxleiðangurinn 1860. Landleið leiðangursmanna á Islandi er dregin á kort Björns Gunnlaugssonar.
níska og græðgi sér strax yfír hinar mildu
og örlátu gjafír náttúrunnar sem, ef þær
væru umhyggjusamlega friðaðar, myndu
gefa meira af sér, og auk efnahagslegs
ávinnings veita þá óborganlegu ánægju sem
skógur á Islandi gæti veitt þakklátum
áhorfanda. Eg er sannfærður um að ís-
lenskur jarðvegur, eins og ég sá á Hall-
ormsstað og víðar, gæti látið tré vaxa á
mörgum stöðum. Það er auðvitað áreið-
anlegt að fyrr á tímum hefur vænn skógur
vaxið á íslandi. Skyldi ekki vera mögulegt
að hjálpa honum að komast á legg, þar sem
aðeins þyrfti vinsamlega, útrétta hönd til
þess að græða hann með svo góðum árangri
að niðurstaðan yrði myndarlegur trjágróður
og í framhaldi af því álitlegar efnahagslegar
nytjar? Eg held að það væri æskilegt að
íslenska þjóðin gæfi þessu málefni nauð-
synlegan gaum. Þar sem hægt er einnig að
reikna út þau áhrif sem slíkur gróður myndi
hafa á öðrum og mikilvægari sviðum. Auk
þess að nýta tímann við vinnu af þessu tagi,
yrði sú vinna kórónuð með mikilli gæfu
fyrir landið, því að hver gæti þrætt fyrir þá
miklu þýðingu slíkrar vinnu fyrir veðurfarið
og þær gagnlegu afleiðingar sem vænta
mætti af því? Enginn þyrði að segja nokk-
uð ákveðið í þessa átt. En það væri þess
virði að reyna. Eg leyfi mér að hvetja
Alþingi til að byrja á að taka þá staði á
landinu, sem ég hefi bent á, undir
92