Skagfirðingabók - 01.01.2011, Page 130

SKAGFIRÐINGABÓK
honum, svaraði hann að það hefði ekki
verið þannig heldur hafi strákurinn
fipað sig á sundinu. Ísleifur Gíslason
orti vísu í tilefni af þessum hremm­
ingum:
Beitti skeið á Borgarsand
beygður reiði hrannar.
Kastaði veiði en komst á land
Kráku­Hreiðar II.
Þá nefni ég Helgu. Hún var trufluð á
geðsmunum og oft kölluð Helga vit­
lausa. Krakkarnir gerðu gjarnan hróp
að henni og tók hún því mjög illa.
Allt þetta fólk var gott við mig og fór
ég oft í sendiferðir fyrir það. Helga fór
æðioft upp á hreppsskrifstofu og hafði
allt á hornum sér og lét þá ófriðlega.
Gáfu þeir henni gjarnan kaffipoka og
tók hún þá gleði sína aftur.
Erfiður tími
Í nóvember 1943 geisaði skarlatsóttar­
faraldur á Króknum. Við fengum
þess a pest og vorum sett í sóttkví og
losnuðum ekki úr henni fyrr en um
miðjan desember. Mamma hafði
fengið gömul föt sem hún venti, en
það var oft gert í gamla daga, var þá
úthverfunni snúið inn. Hún saumaði á
okkur strákana úr þessu efni buxur,
vesti eða blússur meðan á sóttkvínni
stóð. Vakti hún oft fram á nætur við
þennan saumaskap því hún hafði ekki
næði til þess að sauma á daginn. Þetta
hefur náttúrlega verið mjög erfiður
tími fyrir hana með okkur alla krakk­
ana meira og minna veik. Pabbi var á
þessum tíma að keyra rútu milli
Akureyrar og Reykjavíkur fyrir Norð­
ur leið og því lítið heima, enda mátti
hann ekki koma heim vegna sótt­
kvíarinnar þó hann bryti það í nokkur
skipti. Áður en við losnuðum úr sótt­
kvínni var öll íbúðin gerð hrein úr
lísólblöndu. Mikið fannst okkur lykt­
in af því vond. Þegar við losnuðum úr
sóttkvínni voru jólin farin að nálgast
og mikil var tilhlökkunin. Man ég vel
hve eplalyktin var góð þegar við kom­
um suður í Kaupfélagið, en í þá daga
voru ávextir aðeins seldir fyrir jólin.
Litla peninga höfðum við til að kaupa
fyrir. Meðan á sóttkvínni stóð man ég
að Guðrún Bjarnadóttir, kona Haralds
Júlíussonar kaupmanns, kom í nokkur
Gísli Jakobsson, Keldudal, og Magnús
Ásgrímsson, Kúskerpi, stinga upp mó.
Bensi á Spítalanum.
Ljósm.: Hörður Pálsson.
130