Skagfirðingabók - 01.01.2011, Síða 143

ÆSKUMINNINGAR FRÁ SAUÐÁRKRÓKI
verslana Haraldar Júlíussonar og
Krist ins P. Briems og hana átti
Kristján Gíslason, K.G. Var búðin oft
kölluð Dúubúð, en Dúa var dóttir
K.G. Sá hún um rekstur búðarinnar.
Einnig afgreiddi þar stundum Sissa
(Sigríður Anna Stefánsdóttir), kona
Eyþórs Stefánssonar tónskálds.
Um haustið tóku Bretarnir einnig
hafnarhúsið úti á Eyri en það hús var
reist þegar höfnin var gerð. Einnig
reist u Bretarnir þar birgðaskemmu og
baðhús sem hlaðið var úr múrsteinum.
Þá reistu þeir þarna braggahverfi sem
þeir bjuggu í. Einnig reistu þeir
bragg a fyrir ofan Hótel Tindastól.
Þeir grófu skotgrafir uppi á Nöfum,
svo og komu þeir fyrir loftvarnarbyss­
um. Þá var grjót fært í hauga meðfram
Skagfirðingabraut og skotbyrgjum
komið víða fyrir. Það var mikið hern­
aðarbrölt á þessum fyrstu mánuðum
setuliðsins á Sauðárkróki.
Hermennirnir komu fyrir opinni
vatnsrennu sem þeir þvoðu sér úr fyrir
utan baðhúsið. Komust allmargir að
rennunni í einu til að þvo sér. Þeir
fóru úr skyrtunni að ofan en skyrtan
var girt ofan í buxurnar þannig að hún
hékk utan á þeim. Þeir sápuðu sig
mikið, bæði skrokkinn, andlitið og
hárið. Þeir notuðu ekki þvottapoka,
heldur þvoðu sér með berum höndun­
um og skoluðu sig með því að skvetta
vatninu yfir sig. Þetta var heilmikil
athöfn og vorum við krakkarnir ein
augu að horfa á þessar aðfarir.
Eitt atvik er mér mjög minnisstætt
frá þessum tíma. Við vorum í frí­
mínút um að leika okkur á skólalóð­
inni; þá dembir sér yfir okkur flugvél.
Flaug hún mjög lágt og voru miklar
drunur í henni. Urðum við mjög
hrædd og tvístruðumst í allar áttir.
Flugvélin sveigði til hliðar, og sást þá
að þetta var bresk orrustuflugvél.
Einn ig man ég eftir því þegar ég var í
sveit á Gauksstöðum á Skaga, að við
vorum að vinna í heyskap á bakka fyrir
neðan túnið, þá flýgur flugvél neðan
við sjávarbakkann, en það var slakki
þar í landslaginu þannig að við sáum
hana mjög vel. Hún flýgur alveg niður
við sjávarflötinn og það heyrist ekkert
hljóð frá henni. Þetta var sama flug­
vélin og skaut á vitana á Hrauni og
Hegra nesi 18. ágúst 1942.
Hermennirnir voru margir hverjir
liðtækir knattspyrnumenn. Var oft
keppt í fótbolta milli þeirra og heima­
manna. Fóru þessir leikir ávallt fram
úti á Eyri, en þar var knattspyrnu­
völlur. Af heimamönnum bar mest á
Sveini Dýllu (Sveini Guðmundssyni,
syni Dýrleifar Árnadóttur). Hann var
Ole Bang lyfsali með hnísur tvær sem
Pálmi á Stöðinni hefur líklega borið að
landi; vindlingur milli fingra.
143