Skagfirðingabók - 01.01.2011, Side 126

SKAGFIRÐINGABÓK
ætíð mjög vel. Árið 1982 kaupi ég
verslunarhúsnæði að Kirkjubraut 54–
56, flyt bakaríið þangað, byrja þar
rekstur í aprílmánuði 1983 og rek það
til ársins 1998 að ég sel syni mínum,
Herði, reksturinn. Hann rekur svo
brauðgerðina í þrjú ár en selur hana þá
Ólafi Karvelsyni og Heimi Guð­
mundssyni, en þeir höfðu báðir lært
hjá mér. Nokkru seinna sel ég fast­
eignina Kirkjubraut 54–56 syni mín­
um, Sigurði Páli og Magnúsi Sig­
urðssyni, bróður Ingu konu minnar.
Félagsmálastörf
Ég hef talsvert komið að félagsmálum
um ævina. Ég er búinn að vera bind­
indismaður alla mína ævi og hef verið
í góðtemplarastúku frá unga aldri. Þá
er ég búinn að vera í Oddfellow­regl­
unni frá 1960, syngja í kirkjukór frá
1954, fyrst í Kirkjukór Sauðárkróks
hjá listamanninum og tónskáldinu
Eyþóri Stefánssyni og síðan í Kirkju­
kór Akraness eftir að ég fluttist þang­
að. Þá stofnuðum við fjórir félagar
Skagakvartetinn 1967 og starfaði
hann í ein 25 ár með smá hléum. Ég
hef frá unga aldri haft mikla ánægju af
því að spila bridds. Ég hef tekið tals­
verðan þátt í pólitísku starfi fyrir
Sjálfstæðisflokkinn, sat í bæjarstjórn
Akraness frá 1974–1986 eða í tólf ár.
Þá var ég stjórnarformaður í skipa­
smíðastöðinni Þorgeir og Ellert hf.,
frá 1994 þar til í fyrra að ég seldi hlut
minn í fyrirtækinu.
Kolbeinn Skagfjörð
Fjórði í systkinaröðinni er Kolbeinn
Skagfjörð. Hann fæddist á Sauðárkrók i
11. ágúst 1934. Hann var mjög táp­
mikill strákur. Hann var ætíð vinsæll
og hópaðist mikið af strákum í kring­
um hann. Hann var mjög liðugur og
fór heljarstökk hvar sem var eins og
ekkert væri. Það var litla vinnu að fá
fyrir hann á Króknum; þó vann hann
nokkra mánuði við að steypa rör hjá
Skafta Magnússyni. Síðan fór hann að
vinna suður á Keflavíkurflugvelli,
fyrst í byggingarvinnu og þá sérstak­
lega við járnabindingar. Í Keflavík
hitti hann konu sína, Kolbrúnu Sig­
urðardóttur. Þau eignuðust fjögur
börn. Elst er Margrét, þá Rúna Mæja
og Sigurður, og yngst er Anna Ósk.
Heimilishald þeirra og hjónaband var
afar farsælt. Eftir að þau giftu sig fór
hann að vinna í bygginga vöruverslun
Kaupfélags Suðurnesja, Járn og skip,
og eftir að Kaupfélagið seldi hana
Bykó fór hann að vinna hjá þeim.
Dótt ir hans, Rúna Mæja, er búsett
norð ur á Hólmavík og fór hann æðioft
þangað. Þar eru tvær laxveiðiár, Stað­
ará og Víðidalsá. Hann fór á hverj u ári
til veiða í þeim og hafði mikið yndi af
því. Þá hafði hann brenn andi áhuga á
öllum íþróttum og til dæmis þegar
Ólympíuleikarnir voru tók hann sér
sumarfrí til þess að geta fylgst með
þeim í sjónvarpinu. Kolli lést í byrjun
júní 2007. Var hann mörgum harm­
dauði.
Ásta Eygló
Þá er komið að Ástu Eygló. Hún
fædd ist á Sauðárkróki 2. febrúar 1938.
Hún er eina systirin og hefur ætíð
verið í miklu dálæti hjá okkur bræðr­
un um. Hún var ung mjög lagin við að
mála og teikna. Hún var frekar hávax­
126