Skagfirðingabók - 01.01.2011, Síða 156

SKAGFIRÐINGABÓK
Ein keppni er mér afar minnisstæð
en þá kepptum við við drengi sem
áttu heima í Syðri­Króknum. Það var
mikill undirbúningur fyrir þetta mót
og unnum við ÍD­ingar með tals­
verðum yfirburðum. Skemmtileg
keppni var í 800 metra hlaupi. Í því
hlaupi kepptu þeir m.a. Stefán Guð­
mundsson, Haukur Pálsson og Kári
Jónsson. Haukur hljóp mjög greitt af
stað og var kominn langt fram úr
öðrum keppendum en sprengdi sig í
hlaupinu og það endaði svo að Stefán
sigraði, Haukur var í öðru sæti og
Kári í því þriðja.
Það er svo haustið 1948 að Guðjón
Ingimundarson formaður U.M.F.
Tinda stóls kemur á fund hjá okkur í
ÍD og biður okkur að ganga til liðs við
U.M.F. Tindastól. Við gerðum það og
þar með var félagið lagt niður. Það var
svo á héraðsmótinu 1949 að við
kepptum fyrir U.M.F. Tindastól og
sigruðum í mótinu með miklum yfir­
burðum. En á árunum þar á undan
hafði verið mjög jöfn keppni milli
Tindastóls og U.M.F. Hjalta í Hjalta­
dal. Fara mætti mörgum orðum um
hve ötull leiðtogi Guðjón Ingimund­
arson var fyrir æskufólkið á Sauðár­
króki. Hann var ætíð reiðubúinn að
liðsinna okkur á allan hátt. Við þurft­
um að hreinsa völlinn og gera hann
tilbúinn fyrir æfingar og keppni.
Allta f var hann boðinn og búinn til að
sýna okkur hvernig ætti að merkja
völlinn, útbúa stökkgryfjur og mæla
út hlaupabrautir. Það var mjög þrosk­
andi fyrir unga drengi að taka þátt í
öllu þessu starfi, standa sjálfir fyrir fé­
lagi og bera ábyrgð á því. Þegar við
gengum til liðs við U.M.F. Tindastól
fékk félagið þar að mörgu leyti félags­
vana liðsmenn og öfluga íþróttamenn
sem næstu árin hófu nafn U.M.F.
Tinda stóls til vegs og virðingar.
Norðurlandsmeistaramót
í frjálsum íþróttum
Í september 1951 fórum við nokkrir
úr U.M.S.S. að keppa á Norðurlands­
meistaramóti í frjálsum íþróttum á
Akureyri. Við sem fórum í þessa ferð
úr Skagafirði vorum Gísli Blöndal,
Jóhannes Gísli Sölvason, Stefán Guð­
mundsson og ég. Átti ég að keppa í
þrístökki og var mjög spenntur fyrir
þetta mót. Keppni í þrístökkinu fór
fram á sunnudeginum en við gistum
allir á Hótel Norðurlandi. Ég fór
snemma í háttinn því ég ætlaði að vera
vel fyrir kallaður í þrístökkskeppninni
daginn eftir. En það voru svo mikil
læti og drykkja á hótelinu, því það var
haldinn dansleikur þar um kvöldið, að
ég gat ekki sofnað hvernig sem ég
reyndi. Gekk þetta svona alla nóttina
að það var mikil háreysti, hróp og köll
alveg fram á harðamorgun og hvernig
sem ég reyndi tókst mér alls ekki að
festa blund. Um morguninn var ég
sem sé alveg ósofinn, þannig að mér
leist ekkert á að ég gæti mikið í
keppninni um daginn. Ég man að
þegar ég fór út á íþróttavöllinn eftir
hádegið og hafði ekki sofið dúr, var
eins og nálar styngjust upp í fæturna
og mér fannst jörðin dúa undir fótum
mér þegar ég var að hita upp. Síðan
hófst keppnin og í fyrsta stökkinu
tókst mér sæmilega vel upp og stökk
rúmlega 13 metra. Ég var eiginlega
undrandi sjálfur því upplagið var
156