Skagfirðingabók - 01.01.2011, Blaðsíða 179
HÓLAÝTAN
Hann flutti erindi um notkun búvéla
á búvélasýningunni, er haldin var að
Þingeyrum, en aðalerindi hans norður
var að koma af stað vinnu með jarðýtu
Vélasjóðs að Hólum í Hjaltadal.
Tíminn átti viðtal við Árna, þegar
hann kom úr ferðalaginu, bæði um
starf hans nyrðra og um verslun með
búvélar, en Árni hefir tvímælalaust
mesta reynslu allra hérlendra manna í
þeim málum.
Jarðýta Vélasjóðs var flutt norður
að Hólum í þeim tilgangi, segir Árni,
að lagfæra farveg Hjaltadalsár, en hún
hefir á seinni árum breytt sér svo, að
eigi er annað sýnna en að hún eyði
leggi mestallar Hólaengjar og mikið
af nýræktartúnum staðarins, ef ekki
verður að gert. Alþingi hefir veitt fé
til að hlaða fyrir ána, en það má heita
óframkvæmanlegt verk nú, nema
með vélavinnu, vegna kostnaðar. Þess
vegna er gripið til þess ráðs, að nota
jarðýtuna til að grafa upp farveg
árinn ar og lagfæra hann með það fyrir
augum, að varist verði ágangi hennar.
Ennfremur mun jarðýtan verða notuð
til að gera íþróttavöll. Þessi jarðýta,
sem nú er notuð á Hólum, er eina
jarðýtan, sem Vélasjóður á, og er ein
þeirra þriggja, sem Vélasjóður flutti
inn í fyrra. Einstakir menn keyptu
hin ar tvær og auk þess hefir Vegagerð
ríkisins fengið sér nokkrar jarðýtur.
[34]
Vegur um Hálsgróf
Eins og áður er fram komið var Árni
G. Eylands á Hólum, þegar komið var
með vélina. Hann var vinur og jafn
aldri Kolbeins Kristinssonar á Skriðu
landi og mun honum hafa runnið
mjög til rifja vegleysa sú sem Kolbein n
bjó við. Lét hann gera bílfæran veg
Hólaýtan í Hjaltadalsá sumarið 1944. Með hana er Eirík Eylands.
Ljósmynd: Árni G. Eylands.
179