Tímarit Máls og menningar - 01.06.2010, Qupperneq 28

G u ð n i E l í s s o n
28 TMM 2010 · 2
daginn fyrir útgáfu skýrslunnar koma glögglega fram þær þversagna-
kenndu tilfinningar sem brutust um í brjóstum landsmanna á vormán-
uðum 2010. Ögmundur rekur eftirminnilega dramatíkina í kringum
útgáfuna og tekur svo upp líkingu Karls Thorbergs um sjónleikinn,
þegar hann spyr hvort hér sé á ferðinni „leikrit eftir Ibsen?“ Ögmundur
segir það enga furðu að almenningur sé spenntur, en óttast að öll
umgjörðin ýti undir blóðþorsta hjá þjóðinni:
Rannsóknarrétturinn hefur ítrekað komið fram til að skýra frá því að hann hafi
í allan vetur grátið sig í svefn yfir þeirri óhamingju sem skýrslan boðar. Skýrir
þetta kannski spenninginn? Svona einsog þegar fólk safnaðist saman til að fylgjast
með því þegar fólk var hálshoggið eða brennt á báli? Hópmúgsefjun. Hverju er
verið að fullnægja? Réttlætinu? Er þjóðin kannski að ná sér í syndaaflausn? En
er málið ekki miklu einfaldara? Það vita allir að samfélagið brást. Það þarf að