Tímarit Máls og menningar - 01.06.2010, Side 100

S t e fá n S n æ va r r
100 TMM 2010 · 2
kvæmari rekstrareiningar en dreifbýli. Því sé ekki sanngjarnt að bera
austur-asísku borgríkin saman við venjuleg lönd.14
Svo má ekki gleyma garminum honum Katli, sósíalismanum. Sósíal-
ískar tilraunir hafa ekki gefið góða efnahagslega raun nema hugsanlega
í Keralafylkinu indverska þar sem menn eru betur klæddir, fæddir
og fræddir en í öðrum hluta Indlands (t.d. Kapur, 1998). Svo verður
ekki af Kúbu skafið að þar er heilbrigðisástandið gott.15 Hvað sem því
líður er engin ástæða til að taka áhættuna af því að koma á sósíalísku
skipulagi.
Ekki verður önnur ályktun dregin af því sem hér segir en sú að hið
blandaða hagkerfi standi sig býsna vel. Spurningin er ekki hvort við
eigum að blanda heldur hvernig. Kjörorð okkar er: Blöndum betur!
Læt ég svo lokið krataávarpi, megi sem flestir hlusta, jafnt jafnaðar-
menn sem aðrir.
Tilvísanir
1 Þakka Guðmundi Andra heiti greinar.
2 Úr texta lagsins Subterranean Homesick Blues á plötunni Bringing It All Back Home frá árinu
1965.
3 Sjá til dæmis grein Jóns Steinssonar í Morgunblaðinu 27. apríl 2009, „Ráðleggingar til vinstri-
stjórnar“. Reyndar hefur Jón stundum sýnt góða jafnaðarmennskutakta, hann hefur t.d. leitt
veigamikil rök að því að koma eigi á stighækkandi sköttum á Íslandi.
4 Gagnrýni mín á ráðalýðræðið er ekki alveg óskyld gagnrýni Peters Krevenhörster, 1972:
203–210.
5 David Harvey gerir meir en að gefa í skyn að þessi ósamhverfni stuðli að stéttakúgun hinna
ríku sem bestan aðgang hafi að upplýsingunum (Harvey, 2005: 68).
6 Gísli Pálsson og Agnar Helgason hafa leitt athyglisverð rök að því að kvótakerfið íslenska hafi
verið innleitt með svipuðum hætti. Sköpun einkaeignaréttar á kvótum hafi þýtt brottrekstur
margra sjósóknara af miðunum (Gísli Pálsson og Agnar Helgason, 1999: 26–52).
7 Fræðimaðurinn Geoffrey Garrett segir ástæðuna fyrir þessu hafa verið betri innviðir (infra-
strúktúr) í Austur-Asíu en í Suður-Ameríku. Skilji ég hann rétt þá er „infrastrúktur“ ekki
markaðsfrelsi, óháða breytan í dæminu. (Garrett, 2004).
8 Sýnir þetta ekki ágæti hentistefnu og hætturnar af kreddutrú, trú á formúlur?
9 Friedmanhjónin voru algerlega á móti slíkri iðnverndarstefnu. En þau ræða þessi mál á sértæk-
um grundvelli, nefna engin handföst dæmi, nefna hvorki Suður-Kóreu né Bretland (Friedman
og Friedman, 1980: 49–50). Mér finnst lítið að marka svo dæmasnauðan málflutning og kýs að
trúa Stiglitz þar til annað sannara reynist.
10 Bruce Stokes, 2006: „Danes Can Show Europe the Way“, International Herald Tribune, 23.
maí.
11 „Special Report: The Swedish Model“, The Economist, 7. september, 2006.
12 „Can the Kiwi Economy fly?“, The Economist, 2. desember, 2002.
13 Heimild mín fyrir því sem segir um Chíle dagsins í dag og Brasilíu Lulu er norska dagblaðið
Aftenposten, greinar sem birtust í desember 2009.
14 Þorvaldur Gylfason, 2008: „Brosandi borgir og lönd“, Fréttablaðið, 20. mars.
15 Það sést meðal annars af litlum barnadauða þar í landi (http://en.wikipedia.org/wiki/List). Á
þessum lista kemur m.a. í ljós að barnadauðinn er minni í velferðarríkjunum en í BNA um leið