Heilbrigðisskýrslur - 01.12.1951, Page 172

1951
— 170
jnjólkinni í bæinn. Enn þá er talsvert
kúahald i bænum og stafar af því
ýmiss konar óþrifnaður sumar sem
vetur. Margir kaupa mjólk frá bæjar-
fjósunum.
Nes. Mjólkurframleiðsla fullnægir
nokkurn veginn eftirspurn í kaup-
staðnum, en skyr og rjómi er fluttur
til viðbótar úr Norðurlandi, þegar
skipaferðir falla. Mjólkin er ekki ger-
ilsneydd og gæði ekkert rannsökuð.
Er talin misjöfn að gæðum og hrein-
læti. Er nú i undirbúningi stofnun
mjólkurbús hjá Kaupfélaginu Fram,
sem annast dreifingu mesta hluta
mjólkurinnar.
Hafnar. Nokkur mjólkursala er til
Hafnar frá næstu bæjum i Nesjum, en
mjólkursamlag ekki starfrækt, þó að
heita megi fullgert.
Vestmannaeyja. Eyjaskeggjar voru
nokkurn veginn sjálfum sér nógir um
mjólkurframleiðslu fyrir stríð, en á
stríðsárunum dofnaði mjög áhugi
manna fyrir búskap hér, af eðlilegum
ástæðum, þar sem vinnan við fisk-
iðnað var miklu meiri en nokkru
sinni fyrr. Nú mun aftur vera farinn
að vakna áhugi á búskap, og mjólk-
urframleiðslan er að aukast, en þó er
enn flutt allmikið af mjólk hingað frá
Reykjavik. Um mjólkurframleiðslu hér
og mjólkurinnflutning hefur mér ekki
tekizt að afla óyggjandi upplýsinga.
Enginn skortur er á mjólk í mjólkur-
búðum.
Laugarás. Vafalaust mesta tekjulind
héraðsbúa, og veit ég aðeins 2 eða 3
einsetubændur, sem ekki selja mjólk.
Jafnvel sumir gróðurhúsamenn hafa
mjólkursölu með. Hafa sauðfjársjúk-
dómar átt sinn þátt i að fjölga kún-
um. Dýralæknir heimsækir hvert býli
a. m. k. annað hvert ár (nú sennilega
árlega, síðan dýralæknir kom á Rang-
árvelli) til eftirlits með fjósum og
allri umgengni í þeim og meðferð
mjólkur. Hafa framfarir verið miklar
og örar á þvi sviði, þótt enn kunni
nokkuð á að skorta á stöku stað.
7. Áfengisnautn. Kaffi og tóbak.
Rvík. í áfengismálum ríkir sama
ófremdarástandið og áður, og ekki
sézt hilla undir drykkjumannahæli
enn þá.
Ólafsvíkur. Áfengisnautn eykst ekki,
en minnkar frekar, því að margir
hinna yngri manna mega teljast frem-
ur hófsamir, en kaffi- og tóbaksnautn
minnkar ekki.
Reykhóla. Áfengisnautn lítil, einna
helzt á sumarsamkomum. Kaffineyzla
mikil. Margir reykja mikið, en nef-
tóbaksnautn og munntóbaks sáralitil.
Flateyrar. Áfengisnautn er hófleg,
en reykingar fara vaxandi.
ísafj. Áfengisnautn getur ekki talizt
almenn né mikil í héraðinu, og mun
hafa minnkað rnikið vegna kostnaðar
aðallega. Nokkrir menn drekka þó
frá sér ráð og rænu öðru hverju og
eru hreinir sjúklingar.
Hvammstanga. Drykkjuskapur eng-
inn teljandi. Kaffi- og tóbaksneyzla
nokkur, eins og gengur. Sígarettureyk-
ingar hafa þó vafalaust minnkað tals-
vert.
Sauðárkróks. Áfengisnautn mun
vera svipuð og áður, aðallega á sam-
komum. Virðist svo, að sjaldan vanti
peninga til áfengiskaupa, þó að aura-
ráð séu annars lítil. Kaffi- og tóbaks-
neyzla hygg ég, að sé svipuð, þó að
vera megi, að sumir spari þetta eitt-
hvað við sig, siðan verðið hækkaði
svo mjög.
Ólafsfj. Áfengisnautn litil. Dálitið
bar á því, að menn yrðu hýrir, þegar
sykur var gefinn frjáls. Kaffinautn
svipuð, þrátt fyrir afarverð. Tóbaks-
nautn mikil, og byrjar sparnaður
sennilega ekki á þeirri vöru.
Grenivíkur. Áfengisnautn lítil, helzt
á skemmtunum. Kaffi- og tóbaksnautn
svipuð og áður.
Þórshafnar. Áfengisneyzla úr hófi
fram, einkum meðal sjómanna. Oft
óspektir af þeim orsökum. Tóbaks-
nautn mikil; kaffiþamb útbreitt.
Bakkagerðis. Nokkuð er hér um á-
fengisneyzlu, einkum á samkomum.
Tóbaks- og kaffineyzla almenn.
Seyðisfí. Notkun þessarar þrenning-
ar óbreytt.
Nes. Nokkuð ber á drykkjuskap í
sambandi við skipakomur frá útlönd-
um; annars sízt verra ástand í þeim
efnum en annars staðar. Kaffi mikið