Orð og tunga - 2021, Side 180

Orð og tunga 23 (2021), 169–172, https://doi.org/10.33112/ordogtunga.23.11
Ritfregnir
Orðabókafræði og rannsóknir á orðaforða
LexicoNordica 27. Kontroversiella ord i nordiska ordböcker. Ritstjórar:
Sturla Berg­Olsen og Anna Helga Hannesdóttir. Nordisk förening
för lexikografi. 2020. (256 bls.) ISNN 0805­2735 og ISNN 1891­2206
(vefútgáfa).
Bókin hefur að geyma safn greina um norrænar orðabækur og orða­
bókargerð. Greinarnar voru unnar upp úr erindum sem haldin voru
á árlegu málþingi norrænna orðabókafræðinga í Osló 2020. Þema
mál þingsins að þessu sinni var umdeild orð í norrænum orðabókum
og í bókinni birtast sjö greinar sem tengjast þessu efni. Meðal annars
ritar Ruth Vatvedt Fjeld um blótsyrði í norsku og Knut E. Karlsen
og Dagfinn Rødningen um orð sem eiga uppruna sinn að rekja til
vörumerkja, þ.e.a.s. orð á borð við primus og teflon. Ein grein fjallar
um íslenskt orðabókastarf: Ásta Svavarsdóttir og Halldóra Jónsdóttir
fjalla m.a. um aðkomuorð í íslenskum orðabókum og hvernig hrein­
tungustefnan hefur haft áhrif á stöðu þessara orða í Íslenskri orðabók
og Íslenskri nútímamálsorðabók. Einnig er fjallað um deilur um orð er
varða skrásett vörumerki (t.d. buff og vespa) og kynhneigð eða kyn­
vitund (t.d. baráttu Samtakanna ’78 fyrir því að nota orðin hommi og
lesbía). Auk þemagreina fjallar ein grein um samsetningar í norsku og
hvernig leggja má mat á gegnsæi þeirra þegar verið er að velja flettur
í orðabækur. Að lokum eru í bókinni ritdómar um fjögur norræn
orðabókarverk og íðorðasöfn sem öll eru gefin út í rafrænu formi.
Greinarnar í safninu eru skrifaðar á dönsku, norsku og sænsku og
hver grein hefst á stuttum útdrætti á ensku. Ritið verður að gengi legt í
heild sinni á eftirfarandi slóð frá janúar 2022: https://tidskrift.dk/lexn/
index.
tunga_23.indb 169 16.06.2021 17:06:54