Rit Landbúnaðardeildar : A-flokkur - 01.10.1958, Qupperneq 54

52
3. Starfsskýrsla.
a. Framkvœmdir.
Fyrri part árs 1955 var hafizt handa um nauðsynlega breytingu á íbúð-
arhúsinu. Var sett skilrúm í borðstofuna og þannig afmarkaðar tvær
íbúðir í húsinu. Síðan var innréttað eldhús og svefnherbergi í vesturend-
anum og sett upp rafmagnseldavél og ísskápur í eldhúsinu.
íbúðarhúsið var allt málað í sama mund, en áður var það aðeins vatns-
málað. Nú var húsið mjög vandlega undirbúið undir málningu og vinna
og efni allt hið vandaðasta. Um leið og málað var, var skipt um þær
gluggakistur, sem undizt höfðu, og skipt um dúka á tveimur gólfum, er
losnað höfðu vegna raka. Allar þessar breytingar og endurbætur kostuðu
um 50 þúsund krónur.
Tilgangurinn með því að hólfa húsið sundur var sá, að losa tilrauna-
stöðina við heimilishaldið, sem varð dýrt vegna stúlkuhaldsins. Nú rekur
tilraunastöðin ekki heimili, því að hjónin, sem búa í vesturhelmingi
hússins, selja fæði þeim mönnum, sem eru umfram fasta menn.
Sumarið 1955 var hafin bygging á fjárhúsum með tilheyrandi hlöðu
og súgþurrkunarklefa. Grunnflötur hlöðunnar er 25 x 8 m utanmál, og
er hún með tvöföldu súgþurrkunarkerfi, sem steypt er niður í grunninn.
Er hægt að þurrka í öðrum helming hlöðunnar í senn. Hlaðan rúmar um
1000 m3 heys. Fjárhúsin, sem eru 20 x 14 m að utanmáli, rúma um 300
fjár. Er 2 m fóðurgangur þvert út frá hlöðu, og standa því fjárhúsin sam-
hliða hlöðunni, þrjú hvorum megin. Eins meters steyptur kjallari er
undir öllum húsunum, sem eru með grindum. Steyptar vatnsrennur með
niðurfalli eru í milligerðum, nema í hliðarkróm. Gluggar eru á þaki úr
báruplasti, loftop með sigtineti fyrir á hliðum hússins og kjölur opinn.
Hliðar fjárhússins eru steyptar, en framgafl úr timbri og asbesti. Hlaðan
er steypt upp U/> m yfir gólf, síðan er asbest (i/ tomma) á sterkri grind,
2l4 m á hæð. Þök eru úr einföldu bárujárni bæði á fjárhúsum og hlöðu.
Súgþurrkunarklefinn er steyptur með járnþaki og er hann 4.2 x 4.2 m að
utanmáli. Allt timbur, sem verður fyrir raka, er karbólborið, og þar sem
asbest liggur að timbri eru auk þess felldir tjörupapparenningar á milli
stafs og asbests. Eingöngu var notaður galvaníseraður saumur í bygging-
una. Kostnaður við þessar byggingar varð á fyrsta ári, að frádregnum
birgðum, um 280 þús. kr., og varð þó ekki lokið.
Árið 1956 var svo lokið við að innrétta fjárhúsin. Keyptur var hitari
(13 þús.), til þess að hita loftið í blásturinn, og asbeströr í leiðslu frá bor-
holu að súgþurrkunarklefa. Er meiningin að dæla heita vatninu í gegn-
um hitarann og þurrka þannig með upphituðu lofti. Gamla rafstöðin var