Rit Landbúnaðardeildar : A-flokkur - 01.10.1958, Qupperneq 79

77
Kartöfluuppskera varð mjög lítil 1955 eða 60 tn. og 120 tn. 1956, þó var
landstærðin jafnstór hvort árið eða um 1.2 ha.
Kornræktin var um 10 ha fyrra árið og álíka það síðara, og uppskeran
því minni en áður hefur þekkzt. Stafar þetta af óhagstæðu tíðarfari. Bæði
árin hafa bygg og hafrar náð góðum og ágætum þroska í sandgirðingu
stöðvarinnar, og bendir það til þess, að sendinn jarðvegur er öruggari til
kornframleiðslu í slæmm árum, en móa og mýrarjörð. Bæði árin hefur
lítið korn verið selt til útsæðis, nema helzt hafrar til grænfóðurræktar.
Grasfræ það, sem þroskaðist 1954 og 1955, reyndist eins og eftirfar-
andi yfirlit sýnir:
Rannsóknir á grasfrœi.
Árið 1954: Árið 1955:
1000 fræ Gró- 1000 fræ Gró-
Tegundir: Þyngd í g magn % þyngd í g magn %
Túnvingull ........................ 1.300 68.0 0.920 36.00
Hávingull.......................... 2.160 78.0
Háliðagras......................... 1.100 60.0 1.200 30.00
Vallarfoxgras ..................... 0.400 28.3 0.400 35.00
Vallarsveifgras ................... 0.400 52.0
Sandlíngresi .................. .. .. 0.140 30.00
Fræið allt er með lágu grómagni, einkum síðara árið, og veldur hér
slæmt sumar. Þetta fræ reyndist þó betur úti en grómagnið hér gefur til
kynna. Er þessu líkt farið og með korn, að grasfræ getur bætt við sig gró-
magni frá því í febrúar og fram í maí, og varð sú raunin með þetta fræ.
Heymjölsframleiðsla varð engin 1955 vegna veðráttunnar, en 1956
voru framleiddar um 15 smál. af heymjöli. Verð það sem fyrir það fæst
hefur lækkað, og ekki vænlegt um framhald þessarar framleiðslu, ef verð-
ið verður undir kr. 2.00 pr. kg, en verðið 1956 var kr. 1.71. Verður, þrátt
fyrir verðlækkun, ekki hætt við þessa framleiðslu, en reynt að finna hag-
kvæmari aðferðir á framleiðslu þess, og athugað nánar en verið hefur hve
gott heymjöl verður hægt að framleiða úr grasi eftir mismunandi mikinn
algildan áburð í sambandi við mismunandi sláttutíma.
Aðrar framkvæmdir undanfarin 2 ár hafa verið aukin ræktun í sand-
girðingu stöðvarinnar. Hefur þar verið sáð í 2 ha til vallarfoxgrasfræ-
ræktar, og svo rekin þar kornrækt til samanburðar við þá kornyrkju, sem
er samtímis á Sámsstöðum. Þessi 2 slæmu korn- og kartöfluár hafa bent
til þess, eins og fyrr, að sandjörðin er vel nothæf til framleiðslu á korni,
kartöflum, grasfræi og grasi, ef vandlega er búið að ræktuninni.
Starfslið stöðvarinnar og búsins hefur verið 2 karlmenn og 2 stúlkur
á veturna, en á sumrin 3—4 karlmenn, 3 stiilkur og svo tímakaupsfólk
við kartöflur og korn á haustin.