Saga - 2013, Side 52

það að sagt hafi verið að Sigríður hafi að undanförnu samsængað
Natan …“180 Þegar Friðrik Sigurðsson kom í annað sinn og hugðist
drepa Natan aftraði Sigríður honum frá því en nú af ástæðu sem
tengdist sambandi hennar og Natans. Friðrik sagði svo frá: „Beið ég
svo í fjallinu þar til komið var undir dagsetur, gekk þá heim að
Illugastöðum og barði. kom Sigríður til dyra og sagði að Natan væri
einn heima, en Agnes væri enn ei heim komin. Bauðst ég þá til að
drepa Natan en hún bað mig þá mikið að gjöra það ekki í þetta sinn
þar hann væri svo góður sér núna …“181 vonbiðill Sigríðar firrtist
við þessa yfir lýsingu og sagðist ekki koma aftur í bráð. Skildust þau
við svo búið. Sættir náðust þó fljótlega, m.a. fyrir tilstuðlan Agnesar,
og dráps-
áformin voru ekki lögð á hilluna.
engar sögur fóru af ástar- eða kynferðissambandi Natans og
Agn esar og þau vitni sem leidd voru fyrir réttinn til að segja frá
kynnum sínum af Agnesi nefndu aldrei neitt slíkt. Skapgerð hennar
var hins vegar til umræðu. Þannig sagði Jón Jónsson á kornsá í
vatnsdal, sá er þekkti hana sem niðursetu á sínum tíma, að sem
unglingur hefði hún verið „í betra lagi gáfuð“ og haft „gott skyn-
bragð … á sínum kristindómi, [verið] heldur lingjörð en hörð í
geðsmunum, fróm og óskreytin, en heldur óviðfelldin í lunderni.“
Studiosus Jón Jónsson, sá er hafði Agnesi sem vinnukonu á Geita -
skarði frá vori 1826 til vors 1827 sagði að sér hefði „virst hún vera
heldur ósannsögul og hroðyrt, heldur undarleg og þunglima í
geðsmunum, en ófrómleik kveðst hann ei hafa orðið var við hjá
henni. Hafi sér virst hún í betra lagi gáfuð, og bæði lesandi og skrif-
andi, en enga hrekki hafi hún sér vitan lega í ljósi látið um þann tíma
sem hún hafi hjá sér verið.“182 Séra Þorvarður Jónsson (1798–1869),
sem kallaður var u.þ.b. einni viku fyrir aftökuna 12. janúar 1830 til
að búa Agnesi Magnúsdóttur undir dauðann og fylgja henni á högg-
stokkinn, hefur einnig lýst Agn esi lítillega eins og hún kom honum
fyrir sjónir:
við þetta tækifæri fékk ég að heyra mjög nákvæmlega ævisögu hennar
sem mér virtist í mörgu merkileg, einkum í því tilliti, hvörsu hennar
svæsnu tilhneigingar og sannlega sjaldgæfu sálargáfur útörtuðu
oftlega hjá henni, líkt og síðast við það óttalega illvirki, bæði fyrir aga-
eggert þór bernharðsson50
181 Sama heimild, bls. 188.
182 Sama heimild, bls. 209.
183 ÞÍ. e.13, 1. Magnús Stephensen dómstjóri. Bréfasafn. Personalia Magnúsar
Saga haust 2013 NOTA_Saga haust 2004 - NOTA 23.6.2020 15:04 Page 50