Saga - 2013, Page 68
systranna og eitt frá Siggeiri bróður sínum. Siggeir skrifaði þó ekki
með eigin hendi og bréfið var skrifað á Arnheiðarstöðum, þar sem
hann var í fóstri. Af öðrum bréfum að austan má nefna þrjú frá
Runólfi Guðmundssyni á Hallfreðarstöðum. Hann má næstum telja
til fjölskyldunnar því mæðgurnar Malene og Sigríður Ørum, ásamt
Sigríði 15 ára og Þórunni 13 ára, voru í húsmennsku þar hjá foreldr-
um Runólfs og mikill og náinn samgangur milli heimilisfólks.
Jafnframt barst Páli eitt bréf frá Sigurði Guðmundssyni stúdent,
föðurbróður sínum, sem þá bjó á eyjólfsstöðum og lét sér annt um
fjölskyldu bróður síns. Hann vill „liggia daudur med og firer
ockur“, skrifaði amma um Sigurð rétt eftir lát Páls sýslumanns árið
1815.22
eftir 1820 voru jafnan þrjár póstferðir á ári um Austurland, vetur,
sumar og haust. Ferðirnar gátu eðli málsins samkvæmt tekið mis-
langan tíma vegna veðurs og færðar, en vetrarferðin stóð yfirleitt frá
því í janúar og fram í mars. Meðan Páll Guðmundsson sýslumaður
var á lífi var póstafgreiðslan á Hallfreðarstöðum, en í janúar 1824
var hún á sýslumannssetrinu ketilsstöðum á völlum. Pósturinn var
þar 19. janúar og tók 105 bréf hjá Páli Þ. Melsteð sýslumanni.23 Þar
hafa verið bréf sem Páli voru skrifuð heima á Hallfreðarstöðum 8.
og 10. janúar. Mamma skrifaði, amma og systurnar og einnig Run -
ólfur. Í pósttöskunni hefur líka leynst bréf frá Sigurði Guð munds -
syni skrifað 18. janúar. endastöð austanpóstsins þetta ár var hjá
sýslumanninum í Garði í Mývatnssveit því þar var jafnframt tíma-
bundið aðsetur amtmanns. Þangað komu bréfin 4. febrúar og fóru
suður með norðanpósti 8. febrúar.24 Páll fékk þau í hendur 28. febrú-
ar og skrifaði svarbréf tveimur vikum síðar, 14. mars. Þau bréf og
önnur sem hann skrifaði um líkt leyti komu austur í kringum 20.
maí25 og hafa líklega verið utan skipulagðra póstferða. Stundum tók
erla hulda halldórsdóttir66
22 Lbs. Lbs. 124 fol. Sigríður Ørum til Bjarna Þorsteinssonar 7. okóber 1815. Bréfið
er prentað í Sendibréf frá íslenzkum konum 1784–1900. Finnur Sigmundsson bjó
til prentunar (Reykjavík: Helgafell 1952), bls. 58–61. Þar er bréfið ranglega
ársett 1816.
23 Heimir Þorleifsson, Póstsaga Íslands 1776–1873 (Reykjavík: Þjóðsaga 1996), bls.
203–204.
24 Sama heimild, bls. 204 og 201.
25 Fljótlega upp úr 1820 fór Páll að skrifa á bréf sín hvenær þau bárust honum og
hvenær hann svaraði þeim. Upplýsingar um hvenær bréfin komu austur má
sjá í bréfi ömmu: Lbs. Lbs. 2412 a 4to. Sigríður Ørum til Páls Pálssonar 21. júní
1824.
Saga haust 2013 NOTA_Saga haust 2004 - NOTA 23.6.2020 15:04 Page 66