Saga - 2013, Page 76
Næstu ár sendu systurnar bréf árlega í sínu nafni, jafnvel tvö
eins og Sigríður 1818. Þetta eru stutt bréf þar sem þær segja frá lær-
dómsiðkunum sínum, að lesa og læra kverið. Og auðvitað hið verk-
lega: að spinna og prjóna. Þær nefna gjarnan litlar framfarir og
kunn áttuleysi og fyrirverða sig fyrir klórið þegar þær loksins byrja
að skrifa sjálfar. Árið 1820, þegar hún er ellefu ára, skrifar Sigríður í
fyrsta skipti sjálf en aftan við bréf ömmu sinnar:
besti brodir
nu er ei anad briefs efnid en lata þig sia ad eg er farin ad bera
mig ad para Stephan og Þorun eru og biriud og seigir modur
min ad þad sie þo skast hia mier æ blessadur skrifadu mier þá
ferd fellur og lattu nu aungvan sia þetta ljota klor. — Lifdu
æfinlega vel þin af hiarta
Hallfredarstodum elskandi systir
Sigridur Palsdotter53
Síðar sama ár, líklega í september, skrifar hún sitt eigið bréf, á sér örk,
til Páls. Þar kemur fram að hún hafi lítið æft sig, hefur „ei tekid a
penna sidan i vor“.54 Sigríður lofar að bæta sig, og það hefur hún gert
því henni hefur farið talsvert fram í bréfinu sem hún skrifar snemma
í janúar 1821. enda er hún nokkuð ánægð með sig og segir að ekki séu
„meira en 3 dagar sidan eg for ad bera mig ad skrifa fljótaskript og en
ei er heldur mikil til sögnin því modur min er so aum ad valla getur
sagt mier til“.55 Ári síðar biður hún Pál að senda sér langt bréf þótt
hennar sé stutt, hún sé svo miklu lengur að skrifa en hann. Bréfinu
fylgja forskriftavísur sem „frændi okkar“ hafði skrifað á blað.56 Svip -
uð orðræða er í bréfum Þórunnar, sem segir árið 1821 að sér fari lítið
fram og ári síðar segist hún „vanburda til skriptanna“ og er í lok
bréfsins „ordinn kofSveitt ifir þessu“. Hún sendir forskriftarvísur eins
erla hulda halldórsdóttir74
53 Lbs. Lbs. 2412 a 4to. Sigríður Pálsdóttir til Páls Pálssonar á bakhlið bréfs
Sigríðar Ørum til Páls Pálssonar [11]. janúar 1820. Undir bréfið er skrifað „1-1
Januari 1820“ — sem getur vísað til 1. eða 11. janúar.
54 Bréfið er ódagsett en fram kemur að Sigríður sé ellefu vetra. Bréfið er ekki
varðveitt með öðrum bréfum Sigríðar til Páls heldur er það, og bréf frá Þórunni
(skrifað á níu ára afmæli hennar 17. september 1820), bundið inn aftast í bók
ásamt ýmsu efni úr fórum Páls undir safnmarkinu Lbs. Lbs. 230 8vo.
Samtíningur. Ég þakka Sigríði H. Jörundsdóttur á Handritadeild Lands bóka -
safns fyrir að benda mér á þessi bréf, sbr. tölvupóst 26. september 2013.
55 Lbs. Lbs. 2413 a 4to. Sigríður Pálsdóttir til Páls Pálssonar 3. janúar 1821.
56 Lbs. Lbs. 2413 a 4to. Sigríður Pálsdóttir til Páls Pálssonar 7. janúar 1822.
Saga haust 2013 NOTA_Saga haust 2004 - NOTA 23.6.2020 15:04 Page 74