Saga - 2013, Side 84

ingum að margir dóu, en hún hafði ekki valið þetta bréfsefni sjálf.
Hún skrifar: „mikill er nú munurinn a skrifum ockar sistranna hún
skrifar þér alt það gledilega enn eg ei nema veikindin og sier þú ad
adrir ráda firir ockur og seigist amma min láta okkur para þettad til
að lietta á friettaskriftunum“.80 Sigríður skrifaði um „veitslurnar“ en
það voru brúðkaup frændfólks þeirra, annars vegar í krossavík í
vopnafirði og hins vegar á kirkjubæ í Hróarstungu. Systrunum var
boðið og fóru í bæði skiptin. Amma sá um matinn í kirkjubæjar -
brúðkaupinu, þar voru 30 gestir.81 Sjálf skrifaði amma bara stutt bréf
því „kvef sottin sem hier gengur liggur miøg þungt á mier“ (sóttin
sem Þórunn lýsti og sagði að amma hefði legið í heilan mánuð) og
ræðir praktísk mál eins og pensjónina sína og bréfasendingar. Hún
tekur sérstaklega fram að hún hafi fengið „litlu stúlkum mínum ad
tina ad þier þad frettnæmt er hedan“.82 Run ólfur Guðmundsson
skrifaði líka við þetta tækifæri og segir einfald lega: „Sistur þínar
segia mier ad þær séu búnar ad skrifa um giftingar og sótt þá er
geck hér í sumar er þá ei annað eftir handa Mér enn skrifa um vedur
og vind sem vant er.“83
Þótt skipulag bréfaskrifta hafi ekki alltaf verið með þeim hætti
sem hér er lýst er greinilegt að bréfritarar reyndu að forðast endur-
tekningar. Þess vegna var haft samráð um hvað var skrifað og hver
skrifaði hvað. Þarna ræður auðvitað sú staðreynd að bréfin sem
send eru á þessu tímabili (1817–1829) eru tiltölulega fá, og þegar
ferð féll — hvort sem það var pósturinn eða óvænt ferð — þótti ekki
skynsamlegt að skrifa út í loftið heldur þurfti að segja tíðindi á
skipulegan hátt svo Páll fengi sem nákvæmastar fréttir af högum
fjölskyldunnar, veðurfari og skepnuhöldum og því sem fréttnæmt
þótti á Héraði og í fjörðum.
Þótt ferð félli höfðu ekki allir tíma til þess að skrifa. eins og áður
kom fram voru allmörg bréf skrifuð Páli í janúar 1824 enda sá tími
sem póstur gekk og algengt var að skrifa og senda bréf. Í maí
skrifaði móðir hans Malene bréf af því ferð féll. Hún skrifar ein, hin
erla hulda halldórsdóttir82
80 Lbs. Lbs. 2415 b 4to. Þórunn Pálsdóttir til Páls Pálssonar 5. nóvember 1825.
81 Lbs. Lbs. 2413 a 4to. Sigríður Pálsdóttir til Páls Pálssonar 5. nóvember 1825.
82 Lbs. Lbs. 2412 a 4to. Sigríður Ørum til Páls Pálssonar, ódagsett og óársett en
passar efnislega við bréf systranna skrifuð 5. nóvember 1825. Og er raðað
þannig í safni Páls.
83 Lbs. Lbs. 2411 b 4to. Runólfur Guðmundsson til Páls Pálssonar 5. nóvember
1825.
Saga haust 2013 NOTA_Saga haust 2004 - NOTA 23.6.2020 15:04 Page 82