Saga - 2013, Qupperneq 86

vanalegri ro hier um heilan tíma vaknadi rendi litid augunum til ockar
er í kring stódum og slocknadi svo sem lios.87
Jarðarförin var fámenn enda engin efni til að halda veglega útför
fyrir sýslumannsekkjuna.88 enginn kom „framandi“ nema Sigurður
Guðmundsson, mágur Malene sem níu árum fyrr hafði viljað deyja
með þeim og fyrir þær. Hann „stód ifir moldum hennar“ og var hjá
þeim á Hallfreðarstöðum í tvo daga.89 „[e]g veit þu spir í huganum
hvurnin eg sie bædi til heilsu og mods í þessu minu afstandi“,
skrifar amma. Hún segist léleg en þraukar og er hálffegin að Malene
hafi farið á undan „því en nu held eg mig meiri man til ad missa
hana en hun hefdi verid ad missa mig med því heilsufari sem hún
hafdi“. Amma lætur nefnilega aldrei bugast, það sést á bréfum
hennar. kannski engin furða að Sigríður hafi sagt við stúlkur á
kirkjubæ þá um vorið: „hun ama mín þolir alt“.90
Bréf ömmu er langt, því dauðanum fylgja úrlausnarefni sem ekki
verða leyst nema með aðkomu Páls og einfaldar ákvarðanir taka
mánuði af því þær eru teknar í bréfum. Páll Þ. Meðsteð sýslumaður
skrifaði búið upp í vikunni eftir jarðarförina. Amma skipti sér af og
lagði ekki fram föt „litlu stulkna þvi hvurki mundu þaug stóru
verdi þvi þaug mega ei mini vera en eru og han gaf þad eptir líka
tok eg oskrifad rum mitt“. Sjálf gerði hún kröfu í dánarbúið. Hún
vildi fá metna pensjón sína sem hún hafði lagt í bú dóttur sinnar (og
tengdasonar) í 17 ár en taldi sig hafa unnið fyrir sér með verkum
sínum. Af þessu og fleiri bréfum þar sem erfðamál voru til umræðu,
og dánarbúi hennar sjálfrar, virðist ljóst að Sigríður Ørum vildi með
þessu tryggja að hún léti eftir sig einhverjar reytur sem systurnar
Sigríður og Þórunn fengju að henni látinni.91 Bræðurnir voru á
öruggum stað, Páll í föstu starfi hjá amtmanni en Stefán og Siggeir
nutu viðeigandi menntunar, og allt útlit fyrir að þeir gætu líkt og
aðrir karlmenn í svipaðri stöðu keppt um og jafnvel hreppt embætti.
Systranna beið annar veruleiki: hjónaband með embættismanni ef
erla hulda halldórsdóttir84
88 Nafn hennar er ekki heldur að finna yfir nafnkenndar dánar konur (sem eins
og gefur að skilja voru helst ekkjur eða eiginkonur embættis- og valdakarla) í
Annál nítjándu aldar.
89 Lbs. Lbs. 2412 a 4to. Sigríður Ørum til Páls Pálssonar 21. júní 1824.
90 Sama heimild.
91 Lbs. Lbs. 2412 a 4to. Sigríður Ørum til Páls Pálssonar 6. mars 1828. Dánarbú
Sigríðar Ørum sjá ÞÍ. Sýsluskjalasafn. Norður-Múlasýsla. eD1/3. eD1. Skipta -
bók 1826–1832, bls. 83–88.
Saga haust 2013 NOTA_Saga haust 2004 - NOTA 23.6.2020 15:04 Page 84