Saga - 2013, Side 108

reynst unnt „að afla svo ábyggilegrar vitneskju“ um líferni kvenna
frá betri heimilum.40 Heimildarmenn Jóhönnu gátu með öðrum
orðum sjaldnast fært sönnur á að konurnar sem þeir sáu, einkum í
félagsskap liðsforingja, tækju fé eða aðra umbun fyrir blíðu sína
ellegar stunduðu óbeislað kynlíf. víða í skránni eru hins vegar
aðdróttanir í þá átt. Heimildarmaður vitnaði til dæmis um það að
stúlka ein, snoturlega klædd, hefði setið á Hótel Borg með sex bresk-
um sjóliðum sem rætt hefðu um hver þeirra ætti að borga veitingar
fyrir hana. Hún væri líka í „partíum“ með liðsforingjum og fengi frá
þeim dýra blómvendi.41 Annar heimildarmaður bar að hann hefði
séð tiltekna stúlku með Bretum seint um kvöld og heyrt að hún væri
tíðum með þeim. klæðnaður hennar væri mjög góður upp á síð -
kastið og hún málaði sig mikið.42 kona ein í góðri skrifstofustöðu
fékk álíka vitnisburð. Hún gæfi sig þó eingöngu að efnuðum mönn-
um, væri með „officerum“ á Hótel Borg og stundaði samkvæmislíf
sem af færu ljótar sögur.43 Þá var til þess tekið að stúlka ein af góðu
heimili hefði „látið áberandi mikið á sjá“ eftir nokkurra mánaða
félagsskap við Breta. Áður hefði hún verið feit og sælleg en nú hefði
hún horast mjög og væri tekin og þreytuleg í andliti.44
Rösku ári eftir að Jóhanna lauk við siðferðisskýrslu sína taldi
hún sig fá upp í hendurnar óvænta fullnaðarsönnun um líferni þess-
ara kvenna. Hún segir að í skrifstofu sína hafi komið „lítill og ósjá-
legur“ hermaður úr öryggisliði („leyniþjónustu“) setuliðsins. Hann
hafi sagt sér á dönsku kaupmannahafnarlýðsins að það væri „mikið
óréttlæti“ ef íslenska ríkið sendi eingöngu „umkomulitlar“ ástands-
stúlkur á vinnuhæli en léti betur stæðar stúlkur afskiptalausar.
Jóhönnu heyrðist ekki betur en maðurinn segði að þessum stúlkum
leyfðist að vera með liðsforingjum á Hótel Borg og hórast við þá
mörgum sinnum hvert kvöld. Jóhönnu þóttu þessi ummæli stór-
merkilegur vitnisburður úr innsta hring hersins. Maðurinn hefði
heitið sér því „með mikilli ánægju“ að staðfesta orð sín skriflega, en
svikið það.45
Þessi frásögn sýnir að Jóhanna var sannfærð um að margar
þór whitehead106
41 ÞÍ. Ue. A/1-3. Nr. 75.
42 ÞÍ. Ue. A/1-3. Nr. 88.
43 ÞÍ. Ue. A/2-1. Nr. 282.
44 ÞÍ. Ue. A/1-3. Nr. 46.
45 ÞÍ. Ue. B/1-8. Jóhanna knudsen. Lögreglan í Reykjavík. Skýrsla 25. nóvember
1942.
Saga haust 2013 NOTA_Saga haust 2004 - NOTA 23.6.2020 15:04 Page 106