Saga - 2013, Síða 132

hermenn. Lögreglunni virtist nægja „að sjá konu tala við eða dansa
við hermenn til að brennimerkja hana sem „skækju““. Gefið væri í
skyn að um 44 konur ættu samræði við hermenn, en 155 konur
væru sagðar hafa stundað ólifnað fyrir hernám eða stunda slíkt líf-
erni með Íslendingum. Ómaklegt væri því að skella skuld á herinn
fyrir skækjulifnað nokkurra kvenna og aðeins um þrjár þeirra hefðu
verið staðnar að því að taka við greiðslu að staðaldri. Samræði karla
við stúlku yngri en 16 ára væri brot á breskum lögum og hermönn-
um væri bannað að bjóða stúlkum á þessum aldri á dansleiki. Þá
væri konum bannaður aðgangur að herskálum og herlögreglan
gætti hvarvetna reglu á samkomustöðum og á götunum. Setuliðs -
stjórnin vildi halda góðri sambúð við Íslendinga og vinna með rétt-
um aðilum að því að forða telpum og konum frá því að lenda á villi-
götum. Hún mótmælti hins vegar harðlega einhliða málflutningi
lögreglu og ástandsnefndar.125
Í greinargerðum hersins var að finna stöku rangfærslu og aug-
ljósan tvískinnung. Þannig höfðu fjölmargir bæjarbúar séð konur og
börn valsa um herbúðir Breta og aldurstakmark ekki verið nefnt
þegar konum var boðið á hermannaböll með auglýsingum. Þá þótti
setuliðsstjórnin verða sér til háðungar þegar hún sagði gögn saka-
dómara sýna að siðferðisástandið hefði batnað eftir komu hersins.
engu að síður hafði öryggisliðið bent á þverbresti í skrá Jóhönnu
knudsen um þær rösklega 500 konur sem lögreglustjóri fullyrti að
væru allra kvenna verstar í ólifnaði. könnun öryggisliðsins á gögn-
unum hafði í raun sannað að þau væru ómarktæk, eins og ritstjóri
Vísis ályktaði enn á ný.126
Agnar kofoed-Hansen lögreglustjóri benti á veilurnar í greinar-
gerðum breska öryggisliðsins, en vék sér undan að ræða mikilvæg-
ustu athugasemdir þess.127 enda þótt Agnar hefði þannig verið
staðinn að því að afhenda opinberri nefnd ómarktæk gögn og fara
með rangar ásakanir í garð mikils hluta kvenna í Reykjavík, hélt
Hermann Jónasson verndarhendi yfir honum áfram.
Fullyrðingar um fjölda ástandskvenna og hættuna sem þær
þór whitehead130
125 „Breska herstjórnin hefur viðræður við ríkisstjórnina um siðferðisvandamál-
in“, Vísir 4. október 1941, bls. 2–3.
126 „Siðferðismálin“ (f), Vísir 6. október 1941, bls. 2.
127 „Siðferðismálin: yfirlýsing frá lögreglustjóra“, Morgunblaðið 14. október 1941,
bls. 5.
128 Höfundur hyggst gera þessu efni nokkur skil í næstu bók í ritröðinni Ísland í
síðari heimsstyrjöld.
Saga haust 2013 NOTA_Saga haust 2004 - NOTA 23.6.2020 15:04 Page 130