Saga - 2013, Side 180

hverjir séu viðtakendur þess og hver sé tilgangur þess. er því vart
að undra þótt ályktanir þeirra verði undarlegar og oftast út í hött.
Það er reyndar með öllu óskiljanlegt að Ítalinn Taviani skuli ekki
nota texta Hernandos kólumbusar úr ítölsku útgáfunni, heldur
velur hann hinn vafasama texta úr Churchill-útgáfunni ensku og
þýðir hann til baka yfir á ítölsku.20 Hann bendir síðan á að textar
Don Hernandos og Las Casas séu nánast eins en notar svo hvorugan
textann.
Hér skiptir verulegu máli hvort rætt er um norður- eða suður-
strönd Íslands á 73. gráðu norðlægrar breiddar (n.br.); þar munar
þremur breiddargráðum og því ætti norðurströnd Íslands að vera á
76. gráðu n.br. Sigurður endursegir þá ályktun Tavianis að 100 rasta
siglingin út frá eða framhjá Íslandi hafi verið meðfram landinu frá
Hafnarfirði til eyjafjarðar á fiskibáti. Sigurður gerir líka að sínum
hinn furðulega tilbúning Tavianis að ítalskur faðmur sé 58 cm og
þannig megi skýra flóðhæðina í textanum. Það væri þá í eina skiptið
sem kólumbus notar ekki spænskar mælieiningar.
vissulega getur Sigurður bókar vilhjálms Stefánssonar, Ultima
Thule, í ritaskrá, þar sem birtar eru átta mismunandi þýðingar á
bréfinu en hann velur þá vafasömustu, þá sömu og Taviani, þ.e.
Churchill-útgáfuna.21 Síðan fylgir hann ályktunum og niðurstöðum
Tavianis og gefur sér að kólumbus hafi komið til Íslands. Hann
getur svo þess að til viðbótar fornum heimildum um siglingar
Íslendinga vestur um haf komi nýrri frásagnir frá 15. öld um vit-
neskju af Grænlandi og öðrum löndum í vestri sem ýmsir hafi
sigurður hjartarson178
20 Paolo e. Taviani, Christopher Columbus. The Grand Design, bls. 82. Gera má ráð
fyrir að Taviani taki Churchill-textann frá vilhjálmi Stefánssyni.
21 Fyrst birtir vilhjálmur textann eins og hann er í útgáfu Churchills frá 1704 (bls.
154). Því næst kemur þýðing hans á textanum eins og hann birtist hjá Las
Casas (bls. 161). Þar á eftir kemur útgáfa Norðmannsins Gustav Storms frá
1893 en hann þýðir eftir Las Casas (bls. 198). Svo kemur þýðing Þorvaldar
Thoroddsen frá 1892 sem styðst við texta Hernandos (bls. 217). Og á eftir
Þorvaldi kemur Spánverjinn Salvador de Madariaga frá 1940, sem styðst við
Las Casas (bls. 225) og þar á eftir kemur bandaríski sagnfræðingurinn John
Fiske frá 1892, en hann styðst við texta Hernandos (bls. 231). Að lokum er
endur sagður og breyttur texti í bók Bandaríkjamannsins John Boyd Thacher
frá 1903 eftir texta Hernandos (bl. 233–234) og svo birtist textinn endursagður
og lagaður eftir bandaríska miðaldafræðinginn eloise McCaskill frá 1938 eftir
texta Hernandos (bls. 235). Þarna hafði Sigurður Líndal úr mörgum textum að
velja og hann velur þann versta. Besti textinn í bók vilhjálms er tvímælalaust
sá er hann tekur frá Gustav Storm.
Saga haust 2013 NOTA_Saga haust 2004 - NOTA 23.6.2020 15:04 Page 178