Saga - 2013, Side 190

varðandi gripasamanburð nefnir hún sem dæmi steinsleggjur sem
höfðu ekki fundist í eldri jarðlögum en frá um 1500 þegar úrvinnslan var
gerð. Þær upplýsingar komu m.a. frá aðila sem var að rannsaka þann efni -
við sérstaklega. Nú er annað komið í ljós, og sýnir þetta hversu fljótt nýir
fornleifafundir geta breytt myndinni. Það er hvorki gagnlegt né uppbyggi-
legt að slá um sig með þessum nýju upplýsingum hér. einnig verður Albínu
Huldu sérstaklega tíðrætt um leirker og býsnast yfir því að ég skuli einungis
nota til samanburðar efni frá stöðum sem ég var sjálf búin að vinna úr.
Ýmsar samantektir hafa verið gerðar, bæði í skýrsluformi og sem námsrit-
gerðir, um leirker frá ýmsum stöðum. vandinn var bara sá að þessar sam-
antektir voru unnar áður en viðkomandi rannsóknum var lokið (í einu
tilfelli var skýrslan skrifuð árið 2005 en rannsókn lauk 2011) og því ekki öll
kurl komin til grafar þegar þær voru skrifaðar. Auk þess var efnið iðulega
ekki sett í samhengi við jarðlög viðkomandi staðar, oftast líklega vegna þess
að ekki hafði verið unnið endanlega úr innbyrðis afstöðu þeirra. Saman -
burður við þessi gripasöfn var því ekki tímabær fyrir Reykholtsrann sókn -
ina.
Albína Hulda kvartar yfir því að ekki séu nógu margar teikningar í bók-
inni af þeim byggingaleifum sem fundust — mér telst til að þær séu alls 16
auk sniðteikninga — og einnig yfir því að ekki skuli vera merkt meira inn á
þær. Framsetning teikninganna er í sama stíl og almennt gerist í bókum um
niðurstöður fornleifarannsókna.7 Gert er ráð fyrir að textinn sé lesinn með
tilvísun í viðkomandi teikningu, sem er komið fyrir eins nálægt lýsingunni
og hægt er. Öll þau númer sem eru á teikningunum koma fyrir í textanum
og þar eru gefnar skýringar á þeim. ekki skil ég af hverju Albína Hulda á í
vandræðum með svona framsetningu. Hún kvartar einnig undan því að
ekki séu nógu margar teikningar af einstökum byggingum og byggingahlut-
um. Þetta er óskiljanlegt því að í bókinni eru margar slíkar teikningar (t.d.
figs. 12, 16, 25, 27, 30, 36, 41, 42, 43). varðandi uppdrátt af byggingaleifum
síðasta fasa byggðar á þessum stað hefðu sérstakar teikningar af ákveðnum
byggingum eða hlutum bæjarþorpsins ekki bætt neinu við heildarmyndina
sem sést á mynd 48 vegna þess hversu brotakenndar þær voru. Hins vegar
er skaði að merking bæjarganganna, sem átti að vera House 4, í samræmi
við merkingar annarra húsa á uppdrættinum, hefur ekki skilað sér á teikn-
inguna.
Það er rangt lesið hjá Albínu Huldu að fullyrt sé í bókinni að verkaður
fiskur og selur hafi verið fluttur til Reykholts. Það rétta er að sagt er að leifar
guðrún sveinbjarnardóttir188
7 Sjá t.d. Gavin Lucas, Hofstaðir. Excavations of a Viking Age Feasting Hall in North-
Eastern Iceland. Institute of Archaeology Monograph Series Series 1 (Reykjavík:
Institute of Archaeology 2009); Being an Islander. Production and Identity in
Quoygrew, Orkney, AD600-1600. Ritstj. J.H. Barrett (Cambridge: McDonald
Institute Monographs. University of Cambridge 2012).
Saga haust 2013 NOTA_Saga haust 2004 - NOTA 23.6.2020 15:04 Page 188