Ritið : tímarit Hugvísindastofnunar - 01.01.2018, Side 134

155
og tilfinningalegan öfgamann og sakar hann um að hafa ítrekað beitt sig
ofbeldi. Í bréfinu kemur einnig fram að það tók Söru langan tíma að átta
sig á ofbeldinu en eftir að sambandi þeirra lauk hafi hún þjáðst af þung-
lyndi sem einkenndist af skaðlegri hegðun. Það var ekki fyrr en hún leitaði
sér hjálpar hjá Stígamótum að hún áttaði sig á því að hegðun hennar væri
lýsandi fyrir persónuleikaraskanir brotaþola eftir ofbeldissambönd. Þeir
sem færa Sölva bréfið heita Hörður og Grímur og eru kunningjar hans úr
stjórnmálaflokknum Dagrenningu sem þeir stofnuðu ásamt fleirum eftir
bankahrunið. Þeir verða milliliðir í samskiptum Sölva og Söru og um leið
fulltrúar hugsjónafólksins sem stendur að ábyrgðarferlinu með Söru. Fram
kemur að Sölvi og Sara kynntust í búsáhaldabyltingunni og tilheyrðu hópi
róttækra vinstrimanna sem af hugsjón vildu breyta þjóðfélaginu. Og Sölvi
ræðir oft þennan bakgrunn sinn:
ég hef staðið fyrir utan Héraðsdóm Reykjavíkur vopnaður skilti til
þess að mótmæla vægum dómum í kynferðisafbrotamálum. ég hélt
ræðu við það tækifæri þar sem ég fordæmdi forneskjulegt viðhorf
dómstólanna til kynferðisafbrota. [...] Vopnaður eigin góðmennsku
taldi ég mig geta fordæmt alla kynferðisafbrotamenn fyrir hönd
helmings mannkyns. Tilfinningin sem sækir að mér núna er erfið.
Hvenær varð ég minn versti óvinur?34
kaldhæðnislegur titill verksins á við hið góða hugsjóna-fólk sem vill breyta
öllu til batnaðar en gleymir að líta í eigin barm. Sölvi taldi sig hluta af
þessum hópi en eftir ásakanir Söru fer hann að endurskoða stöðu sína.
Honum er brugðið við fregnirnar en mætir ásökununum fyrst með hroka;
þó að hann hræðist sýnilega slagkraft Söru:
ég ræð ekki við tilfinninguna; mér líður eins og ég sé saklaus. Eins
og ég sé borinn þungum, en röngum, sökum. Það sem verra er,
þetta er hættulegasta tegundin af ásökunum. Það verður hvorki rétt-
að yfir tilfinningalífi mínu né Söru. Það verða engin sönnunargögn
tínd til sem geta sýnt fram á hvort ég er sekur eða saklaus af þessum
ógreinilegu ásökunum um ofbeldi. Dómsniðurstaðan hlýtur því að
verða ófullnægjandi.35
34 Valur Grettisson, Gott fólk, bls. 230.
35 Sama rit, bls. 35.
HEiMATiLBúið RéTTARkERFi