Ritið : tímarit Hugvísindastofnunar - 01.01.2018, Page 138

159
dómari vegi og meti þau og refsi mér. ég vil fyrst og fremst réttláta
refsingu. Því þá fyrst get ég afplánað refsingu mína. Þetta er það
sem gerði Raskolnikov brjálaðan. Það að hljóta enga refsingu. ég vil
frekar halda geðheilsunni en að burðast með óljósar ásakanir Söru
að eilífu.41
Sölvi vill fara með málið í gegnum dómstóla þó að hann hafi sjálfur gagn-
rýnt þá í gegnum tíðina fyrir að geta ekki tekist á við kynferðisbrotamál.
Honum er orðið ljóst að ábyrgðarferlinu fylgir refsing, útskúfun og til-
vistarleg krísa sem hann líkir við stöðu Raskolnikovs úr Glæpi og refsingu
(1866), sem uppgötvaði að betra er að vera dæmdur en að glíma eilíft við
eigin sektarkennd. Rétt eins og Raskolnikov leitar Sölvi til lögreglu og
játar sekt sína og í framhaldi af því hefur lögreglan samband við Söru. Hún
neitar hins vegar að leggja fram kæru þannig að réttarkerfið getur ekkert
aðhafst í málinu. Þar með er Sölvi einangraður og fastur í ferli sem hann
fer að skilgreina sem hefnd:
Það eru alltaf einhverjar sjálfskipaðar hetjur tilbúnar að réttlæta
ofbeldi fyrir æðri málstað. Nokkurs konar afleiðing áralangrar
innrætingar ofbeldis í kvikmyndum. Það er í lagi að drepa vonda
kallinn. Því það er réttlæti. Auga fyrir auga. Tönn fyrir tönn. [...]
Þetta er refsingin. Opinber niðurlægingin. Hver frétt eins og svipu-
högg. Athugasemdakerfin eru drekkingarhylur. Löggjafarþingið á
Þingvöllum lifir góðu lífi á veraldarvefnum. Hið rafræna réttlæti.
[...] Svona eru blóðhefndir tilkomnar. Þær eru fylgifiskur lélegs
réttarkerfis. Þess vegna sit ég hér, með tölvuna í fanginu, drukk-
inn, einangraður, og barma mér yfir óréttlæti heimsins. Því þetta er
hefnd Söru. Heimatilbúið réttarkerfi sérhannað fyrir skrímsli eins
og mig.42
Margt í hugmyndum Sölva um hefnd kemur heim og saman við skrif
Williams ian Miller. Sölvi sér hefndina sem afturhvarf til fortíðar eins og
umræða um Alþingi á Þingvöllum og refsingar á miðöldum ber með sér.
Jafnframt tengir hann hefndarþorsta aðstandenda ábyrgðarferlisins við
kvikmyndir og segir að skrímslavæðingin sem hann hefur orðið fyrir sé
bein afleiðing þeirra. Um leið er honum ljóst að ábyrgðarferlið er hefnd
41 Sama rit, bls. 265.
42 Sama rit, bls. 276–279.
HEiMATiLBúið RéTTARkERFi