Gátt - 2009, Síða 86

86
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 0 9
„ A U M I N G J A P A B B I Þ U R F T I A Ð S E G J A M É R U P P “
V I Ð T A L V I Ð M A G N Ú S Þ Ó R S I G M U N D S S O N , N E M A N D A Í
T Æ K N I S K Ó L A N U M
BJÖRGVIN ÞÓR BJÖRGVINSSON
Það er fallegur haustdagur, 6. október 2009 og nákvæmlega
ár er liðið frá hruninu. Ég mæli mér mót við ungan mann,
Magnús Þór Sigmundsson, sem einmitt varð fórnarlamb
íslenska bankahrunsins. Kannski er ekki rétt að segja fórnar-
lamb nema til skamms tíma því að atvinnumissir hans haustið
2008 varð í raun og veru að tækifæri. Það að Magnús Þór
missti sitt starf varð til þess að hann fór í raunfærnimat
hjá IÐUNNI fræðslusetri og stefnir á að klára sveinsprófið
í húsasmíði um næstu jól. Eftir stutt spjall okkar um fast-
eignamarkaðinn og rjúpnaveiðar ákvað ég fá að heyra sögu
Magnúsar Þórs.
Ungur að árum byrjaði Magnús Þór að vinna við smíðar
hjá föður sínum í sumarvinnu og hefur síðan unnið meira og
minna hjá honum. Magnús Þór segist ekki hafa ætlað að
verða smiður en innst inni hafi samt verið sterk löngun að
feta í fótspor föður síns, sem er húsasmiður, þó svo að hann
hafi reynt að sannfæra sig um annað, m.a. með því að fara
í grunndeildina í málmiðnaðnum strax eftir grunnskólann.
„Eftir mörg góð ár fór verkefnum að fækka hjá íslenskum
byggingarverktökum og það sama átti við um okkur pabba.
Vegna minnkandi verkefna vorum ég og félagi minn farnir að
ræða það okkar á milli að skella okkur upp í Tækniskóla og
taka sveinsprófið í húsasmíðinni. Það vantaði samt einhvern
neista til að kveikja í okkur. Með hruni bankanna í október
2008 fraus allt og aumingja pabbi þurfti að segja mér upp,“
segir Magnús Þór.
Hvernig var sú tilfinning að vera allt í einu orðinn
atvinnulaus eftir að hafa haft alltaf nóg að gera? Magnús
Þór segir það hafi tekið sig nokkrar vikur að átta sig á stöðu
mála á þessum miklu umbrotatímum. „Það var mjög erfitt
að horfast í augu við þá staðreynd að vera allt í einu orðinn
atvinnulaus. Eins og áður segir var ég að vinna við smíðar
hjá pabba og þetta var ekki auðveld ákvörðun fyrir hann en
samt ákvörðun sem hann þurfti að taka,“ segir Magnús Þór.
Hann segir þann tíma, sem hann var í atvinnuleit, hafa verið
erfiðan, sérstaklega tímann frá jólum fram á vor. „Ég veit
ekki hvað ég sótti um vinnu á mörgum stöðum. Það sem mér
fannst einna erfiðast var þegar atvinnuumsóknum mínum
var einfaldlega ekki svarað og það var oftast þannig.“
Magnús Þór segist hafa heyrt af raunfærnimatinu á
svipuðum tíma og hann missti vinnuna: „Það má segja að
raunfærnimatið hafi komið á besta tíma fyrir mig haustið
2008, einmitt þegar ég var orðinn einn af þessum stóra hópi
atvinnuleitenda og lítið framboð af vinnu á markaðnum. Ég
frétti af þessu í gegnum félaga minn eftir ábendingu frá kon-
unni hans. Hún taldi að þetta gæti hentað okkur en á þeim
tíma hafði ég aldrei heyrt minnst á þetta og vissi ekkert út
á hvað þetta gekk. Eftir áhugaverðan kynningarfund hjá
náms- og starfsráðgjöfum IÐUNNAR fræðsluseturs í byrjun
nóvember var ég sannfærður að þetta væri málið. Hérna var
neistinn kominn,“ segir Magnús Þór.
En hvernig skyldi raunfærnimatið og framkvæmd þess
hafa gengið? „Matið, sem ég fékk, var mjög í samræmi við
sjálfsmat mitt og þá verð ég að hrósa matsaðilum fyrir þeirra
framlag. Þessir heiðursmenn voru ekkert að taka mann á
taugum í sjálfu matinu, voru mjög sanngjarnir í einu sem öllu,
voru ekkert að halda aftur af manni og ég upplifði samtal
okkar sem samtal jafningja. Ekki má gleyma framlagi þeirra
Iðunnar Kjartansdóttur og Eddu Jóhannesdóttur, náms- og
starfsráðgjafa IÐUNNAR fræðsluseturs, en þær voru alltaf til
reiðubúnar að hjálpa okkar strákunum í raunfærnimatinu,“
segir Magnús Þór sem lauk raunfærnimatinu hjá IÐUNNI
fræðslusetri í lok árs 2008. Þar fékk hann 48 einingar metnar
og hóf hann í kjölfarið nám í húsasmíðum í kvöldnámi í
Tækniskólanum.
Við förum nú nokkur ár aftur í tímann og Magnús Þór
segir mér frá mótlæti því sem hann mætti sem nemandi í
grunnskóla, m.a. vegna skrif- og lestrarerfiðleika: „Þegar ég
Magnús Þór Sigmundsson við heimanámið.