Læknaneminn - 01.10.1995, Qupperneq 73

ÞROUNARVERKEFNII SUDAN
SUDAN VILLAGE CONCEPT PROJECT
Guðbjörg K. Ludvigsdóttir
Fyrir nokkrum árum voru alþjóðleg samtök
læknanema stofnuð. Hlutverk þeirra var að gefa
stúdentum kost á að fara til annarra landa og
kynna sér aðstæður og heilbrigðiskerfi. I upphafi
voru þáttakendur aðeins nokkur lönd, en nú
teygja samtökin sig um allan heim. Smám saman
gerðu nemarnir sér grein fyrir að þeir gátu haft
áhrif á mörgum stöðum og komið ýmsu til leiðar
sem þá óraði ekki fyrir áður. Starfsemin jókst
með ári hverju og núna stendur margt til boða.
Arið 1990 var sett á laggirnar fyrsta þróunar-
verkefnið í Ghana. Núna, fimm árum seinna,
hefur verkefnunum fjölgað mikið. Auk Ghana
eru nú í gangi verkefni í Tansaníu, Indlandi,
Súdan ofl. löndurn. Verkefnin eru mismunandi,
en öll eru þau fjármögnuð og skipulögð af
læknanemum undir leiðsögn útlærðra manna.
Allt er þetta sjálfboðavinna. Flestar hjálpar-
stofnanir hafna læknanemum, þar sem þeir hafi
ekki nóga reynslu. Það er þó margt hægt að gera
án þess að hafa tíu ára reynslu í skurðlækningum.
Flest verkefnin beinast að uppbyggingu á sviði
forvarna og heilsuverndar. Minna er um beinar
lækningar. Unnið er á öllum sviðum þjóðfélags-
ins og reynt að byggja upp það sem miður hefur
farið. Þetta er gert í samráði við og með íbúum á
viðkomandi svæði.
Ég var svo heppin að fá að taka þátt í einu af
þessu verkefnum. Það er í Súdan og nefnist
„Sudan Village Concept Project“. Það er unnið í
samvinnu sænsku, SWEMSIC, og súdönsku,
SMSA, nefndanna. Svíarnir sjá um 75% fjár-
öflunarinnar og útvega þátttakendur. Súdanirnir
Höfundur er lœknanemi við Háskóla lslands
sjá hins vegar um afganginn af ijáröfluninni og
um starfsemina í Súdan. Þeir skipuleggja starfið
og aðstoða útlendu nemana í einu og öllu.
Verkefninu er skipt niður í 3ja mánaða holl.
Fyrstu tvær vikurnar fara í aðlögun, fyrst í
háskólanum og á sjúkrahúsum í Khartoum.
Síðan í þorpinu með þeim sem eru að hætta. Þeir
setja nýja fólkið inn í starfið. I lokin er skrifuð
Mynd 1. Guðbjörg ásamt skipuleggjendum frá Súdan
og Svíþjóð.Skiltið stendur fyrir utan heilsugœsluna.
LÆKNANEMINN 2. tbl. 1995 48. árg.
63