Úrval - 01.09.1981, Page 32
30
sætar kartöflur. Regnið var líka fátæk-
legt árið eftir.
Árið eftir, þegar flestir vinnandi
menn voru farnir til borgarinnar til að
leita sér að starfi og stúlkurnar höfðu
verið seldar á geishuhús, kom sendi-
maður sem dásamaði fyrir pabba
eiginleika Kaliforníu sem átti að vera
land gulls og tækifæra. Pabbi hét
Matsu því að hann myndi vinna þar
eins og þræll í þrjú ár, í allra mesta
lagi fimm, spara saman peningana
sína og snúa aftur auðugur maður.
Hann myndi varpa ljóma á Kato
nafnið og engan í hans fjölskyldu
myndi framar skorta hrísgrjón.
Matsu grét þegar pabbi fór upp I
hestvagninn sem flutti hann á
brautarstöðina í Kumamoto City.
Hróp hennar: ,,Við sjáumst aftur,”
líktist meira bæn en vissu og fylgdi
honum þessar þrjár vikur sem
sjóferðin til San Francisco tók.
PABBI FÓR AÐ vinna við
lagningu járnbrautarteina. Hann lét
langan vinnudag og mikið erfiði ekki
á sig fá. En tvisvar í mánuði næstu sex
árin stundaði hann fjárhættuspil,
drykkju og kvennafar í borgunum
milli San Francisco og Denver og
safnaði því engu fé. Áður en
samningurinn rann út var komið með
nýjan samning til hans sem hann varð
að undirrita vegna féleysis. Hann
skammaðist sín fyrir að geta ekki sent
ÚRVAL
neina peninga heim svo að hann
skrifaði Matsu ekki.
Svo gafst hann upp á þessu líferni
og fór að safna peningum. Hann
vann við uppskerustörf í Kaliforníu.
Fjórum árum síðar hóf hann búskap í
Santa Barbara. Ölífulundurinn og
grænmetisræktin sem hann kom þar
upp voru til sóma en hann þráði
félagsskap. Hann vantaði konu.
Á fjórum árum heppnaðist pabba
að spara saman 1000 dollara vegna
þess hve reglusömu lífi hann lifði og
jarðyrkjan gaf vel af sér. Þetta var sú
upphæð sem japanska innflytjenda
þjónustan vildi fá fyrir leyfi sem
heimilaði manni að flytja inn brúði
frá Japan. Pabbi gat naumlega
klórað nafnið sitt eða lagt saman.
Það tók hann tvo daga að koma
saman bréfi.
Hann ók þess vegna vagninum
sínum til Santa Barbara til að hitta
Nakamura sem var bréfritari að
atvinnu. Pabbi sagði honum að hann
vildi að Matsu kæmi til Ameríku og
gaf honum heimilisfang hennar.
Nakamura skrifaði í tíu mínútur.
Hann rétti bréfið til pabba sem
samþykkti það og borgaði honum 3
dollara. Þrem mánuðum síðar fór
hann aftur til Nakamura og hafði
með sér svarbréf frá Matsu. Bréfið frá
pabba hafði fengið mikið á hana. Þar
sem hún hafði haldið að pabbi væri
dáinn hafði hún látið þurrka nafn sitt
út af ættarskrá Kato fjölskyldunnar
og gifst bónda í nágrenninu.