Árbók Hins íslenzka fornleifafélags - 01.01.1971, Page 50

50
ÁRBÓK FORNLEIFAFÉLAGSINS
d) Páll, talinn barnlaus.
e) Gísli, talinn barnlaus.
f) Guðlaug kona síra Eiríks á Krossi í Landeyjum Þorsteinssonar.
g) Þórunn í Miðey.
h) Margrét, að því er sumar ættabækur telja.
Ættabækur veita ekki meiri vitneskju um fólk þetta, en Sigmundur
Eiríksson mun vera faðir þess Sigurðar, sem eftir jarðabókarskjölum
frá 1696 á 6 hundruð og 80 álnir í tílfsstöðum í Landeyjum ásamt
systrum sínum tveimur ónafngreindum, að erfð eftir föður þeirra
1681 (AM 463 fol.). Systur hans eru væntanlega Ásdís Sigmunds-
dóttir, sem 1703 er 50 ára á Úlfsstöðum, ekki sammæðra Sigurði, og
Hólmfríður Sigmundsdóttir, sem 1703 er 42 ára gift Birni á Vorsabæ
í Landeyjum Jónssyni. 10 hundruð í tílfsstöðum á 1696 Magnús son-
ur Guðmundar í Vorsabæ Gíslasonar, sem fyrr er nefndur, og síðari
konu hans. Sigurður á samkvæmt söniu skjölum hluta í Arngeirsstöð-
um í Hvolhreppi á móti Árna Eiríkssyni, sem tekið hafði hluta sinn
í arf eftir foreldra sína. 6 hundruð og 100 álnir í þeirri jörðu á þá
Páll yngri Ámundason, að kaupi af N. N. (nafnið er afbakað í hand-
ritinu og er ekki víst hvað vera á) Eiríksdóttur og Árna Eiríkssyni
árið 1690. Árni er væntanlega sá, sem að framan er nefndur, sonur
Eiríks Árnasonar og Helgu. Árið 1709 á Árni Eiríksson enn 11 hundr-
uð og 20 álnir í Arngeirsstöðum og býr þar þá (Jarðabók ÁM og PV
I, 228). Hann er hins vegar hvergi að finna í manntalinu 1703 á þeim
gamalsaldri, sem við má búast um son Eiríks og Helgu. Hinn fyrr-
nefndi er því ekki hinn sami sem sá, er á jarðarhlutann 1709, heldur
er það greinilegt, að hinn síðarnefndi er sonarsonur hins fyrrnefnda,
sá sem 1703 er 19 ára á Syðri-ÍJlfsstöðum í Landeyjum hjá foreldr-
um sínum Eiríki, 50 ára þá, Árnasyni og Margréti Arnórsdóttur.
Eiríkur hefur verið sonur Árna þess, sem 1696 átti hlutann í Arn-
geirsstöðum, og hefur sá Árni dáið fyrir manntalið 1703.
Það hefur svo mjög verið fjölyrt um þetta fólk, vegna þess, að
hinn eini Bjarni Eiríksson, sem kunnur er frá 17. öld af þessum slóð-
um, er sonur Eiríks Árnasonar og systkini hans hafa búið í Rang-
árvallasýslu, í nágrenni Fljótshlíðar, en nú kemur í ljós, að Bjarni
þessi er enn á lífi 1703. Hann býr þá enn, 87 ára gamall, á Arn-
geirsstöðum í Hvolhreppi. Matseljan er þar talin Guðrún Ólafsdóttir,
54 ára, og má vera rétt í ættabókunum, að hún hafi verið kona hans,
þótt svona sé til orða tekið.