Árbók Hins íslenzka fornleifafélags - 01.01.1971, Síða 54

54
ÁRBÓK FORNLEIFAFÉLAGSINS
Nafnið Gautur er mjög sjaldgæft hér á landi, en maður með þessu
nafni er mér algerlega ókunnur. Aldursákvörðun er ekki nefnd.
13. Rúnasteinn frá Stafholti (3). Steinninn var í kirkjugarðinum
í Stafholti 1938 og er þar enn. Bæksted bls. 119-120.
Hér hvílir Jón Ólafsson.
Föðurnafnið gæti eins verið Ólason, en hvorugan manninn er hægt
að skilgreina.
14. Rúnasteinn frá Borg á Mýrum (1). Þjms. 11049. Bæksted
bls. 121-125.
Hér hvílir Hallur Hranason.
Aldursákvörðunin á áletruninni er síðasti fjórðungur 15. aldar.
Hrani er orðið mjög sjaldgæft nafn þegar á 15. öld. Ekkert hefur
tekizt að finna um mann með þessu nafni.
15. Rúnasteinn frá Borg á Mýrum (2). Þjms. 11050. Bæksted bls.
126-127.
Hér hvílir undir Þorgils . . . Eyjólfsson . . .
Aldursákvörðun er ekki fyrir hendi. Nafnið má heita algengt, ef
það er Þorgils Eyjólfsson, en mér hefur ekki tekizt að finna mann
með því nafni, sem áletrunin gæti átt við.
16. Rúnasteinn frá Hallbjarnareyri (1). Steinninn er horfinn.
Bæksted bls. 129-131.
Hér hvíiir undir ValgerSur Gunnarsdóttir,
og biSiS fyrir mér.
Aldursákvörðun er ekki fyrir hendi. Vafi er um réttan lestur á
fyrra lið skírnarnafnsins og er talið að Hall- komi til greina í stað
Val-.
Kvennanöfn koma miklu sjaldnar fyrir í skjölum frá 14.-16. öld
en karlanöfn og þótt hér sé um auðkennilegt nafn að ræða hefur
ekki tekizt að gera grein fyrir konu með því frá þessum tímum.