Árbók Hins íslenzka fornleifafélags - 01.01.1971, Side 63

RÚNASTEINAR OG JVIANNFRÆÐI
63
Grímsdóttur og Tómasar, en þó mætti ætla, að þau væru talin, sem
til aldurs komust, og að hin önnur börn Tómasar séu síðari konu
börn.
Líklegt má telja, að Tómas hafi kvænzt Guðrúnu Grímsdóttur
um 1520 eða skömmu fyrr. Ef hún hefur ekki átt nema 3 börn með
Tómasi, sem upp komust, má ætla, að þau hafi ekki verið lengi í
hjónabandi, og um 1530 ætla ég, að Tómas hafi kvænzt síðari konu
sinni, Guðrúnu Þorsteinsdóttur, sem enn er á lífi 1590. Með fyrri
konunni hefur Tómas því átt Gottskálk, Guðrúnu og Sigríði, en
með hinni síðari átti hann Eirík, Magnús, Bjarna, Guðfinnu, Ljót-
unni og líklega Guðrúnu. Ennfremur virðist kona síra Þorleifs á
Knappsstöðum Sæmundssonar hafa verið dóttir Tómasar og síðari
konu hans. Heimildirnar fyrir síðari konu börnum Tómasar eru í
ýmsum skjölum og öðrum gögnum og verður ekki gerð grein fyrir
því hér, með því að það er oflangt mál. Hins vegar verður gerð nokkur
grein fyrir niðjum hans og sumu frændfólki:
1) Gottskálk sonur Tómasar komst snemma til virðinga, varð lög-
réttumaður, enda dóttursonur Gríms lögmanns Jónssonar, en
hann mun ekki hafa orðið gamall, og kunna menn nú ekki að
rekja ættir til hans.
2) Sigríður Tómasdóttir átti Jón lögréttumann á Guðrúnarstöðum
í Vatnsdal Guðmundsson og er ætt frá þeim.
3) Guðrúnu Tómasdóttur átti Ólafur lögréttumaður og skáld á
Hafgrímsstöðum í Tungusveit Tómasson. Frá þeim er mikil og
kunn ætt. Meðal niðja þeirra var Skúli landfógeti. Tómas Ólafs-
son, sonur þeirra, mun vera sá, sem Mælifellssteinninn var yfir.
4) Eiríkur Tómasson og síðari konu hans var forfaðir Skúla land-
fógeta í beinan karllegg og var Skúli þannig á tvo vegu af Tómasi
kominn.
5) Guðfinna Tómasdóttir og síðari konunnar var kona Guðmundar
í Gröf á Höfðaströnd Hallgrímssonar, föðurbróður Guðbrands
biskups. Sonur þeirra var Pétur faðir síra Hallgríms sálma-
skálds í Saurbæ á Hvalfjarðarströnd. Guðríður systir síra Hall-
gríms var móðurmóðurmóðir þeirra systrasonanna síra Erlends
á Hrafnagili Jónssonar og Hjálmars læknis og lögréttumanns í
Gufunesi Erlendssonar.
6) Guðrún Tómasdóttir og síðari konu hans er í ættabókum talin
formóðir Bjarna Tómassonar föðurföður bræðrasonanna síra
Erlends og Hjálmars læknis, sem þannig voru á tvo vegu af