Árbók Hins íslenzka fornleifafélags - 01.01.1971, Side 69

Rúnasteinar og .mannfræði
69
en Bjarni var alinn upp í nágrenni við Vigfús. (D. I. XIII, 61). Það
er þá ljóst að faðir Vigfúsar hefur heitið Þorsteinn svartur.
Árið 1461 kaupir Einar Árnason jörðina Kristnes í Eyjafirði af
Birni Þorsteinssyni, systursyni sínum, fyrir lausafé. Kaupin voru
skráð í Möðrufelli í Eyjafirði, en þá jörð átti Eyjólfur lögmaður Ein-
arsson og má því með vissu telja, að hér sé um að ræða Einar son
Árna dalskeggs. Björn segist hafa erft jörðina eftir Þorstein föður
sinn og Helga bróður sinn. (D. I. V, 225-226). Þorsteinn Magnússon,
sem átti Ólöfu Árnadóttur dalskeggs, sá sem Jón háyfirdómari Pét-
ursson getur um og að framan er greint, er enn á lífi þegar þetta ger-
ist, og því er það, að önnur dóttir Árna dalskeggs en Ólöf hefur átt
Þorstein að eiginmanni. Sú dóttir er þá Vigdís sú, sem hin forna
ættartala nefnir, og hefur maður hennar verið Þorsteinn svartur
Höskuldsson, heitinn eftir afa sínum, Þorsteini svart Hallssyni.
1. maí 1481, á Myrká í Hörgárdal, gaf Snjófríður Björnsdóttir
Birni syni sínum hálfa jörðina Myrká í Hörgárdal og hálfan Myrk-
árdal. Hún lýsti því, að hún hefði áður gefið Þorláki syni sínum,
„þá er hann kvæntist, önnur 40 hundruð í jörðum og Vigdísi dóttur
sinni sagðist hún hafa lagt 20 hundraða jörð og þar til 8 hundruð,
og hafi bóndi Vigdísar, Þorlákur Gíslason, tekið við því fé. Þá reikn-
aði hún Þorgerði dóttur sína hafa fengið úr föður- og móðurgarði,
10 tigi hundraða þegar í fyrstu. Þessi börn, Björn, Þorlák, Vigdísi
og Þorgerði, sem væntanlega eru öll Þorsteinsbörn, hefur Snjófríður
átt með fyrra manni sínum, sem augljóst virðist, að hafi verið Þor-
steinn Höskuldsson, sem 1451 gefur dóttur sína frá Myrká. Þau hafa
þá þegar verið gift Snjófríður og Þorsteinn, en Guðný hefur verið
fyrri konu barn hans. Ein dóttir Snjófríðar var Vigdís, sem ber þá
nafn fyrri konu Þorsteins eftir rótgróinni venju þessara tíma. Snjó-
fríður var auðsjáanlega dóttir Björns Jónssonar, sem bjó á Myrká
á fyrra hluta 15. aldar. (D.I. IV. og V. reg. Engin rök eru fyrir því
að Björn hafi verið bróðir Finnboga gamla).
Börn Snjófríðar og Þorsteins eru væntanlega fædd á árunum
1450-1460, en hún giftist aftur Birni bónda á Einarsstöðum Sæ-
mundssyni, sem fyrr hafði átt Sigríði Hrafnsdóttur, sem Grenjað-
arstaðasteinninn er yfir. Þau Björn og Snjófríður voru barnlaus.
Þorlákur sonur Þorsteins og Snjófríðar mun vera hinn sami, sem
Þorlákur lögréttumaður Svartsson, sem nefndur er á síðara hluta
15. aldar, og kemur það heim við allt, sem hér hefur verið talið, að
hann hafi verið sonur Þorsteins svarts Höskuldssonar.
Það má þá af framansögðu ráða það, að fyrri kona Þorsteins